ენზელ მკოიანი

მასალა ვიკიპედიიდან — თავისუფალი ენციკლოპედია
Jump to navigation Jump to search
ენზელ მკოიანი
დაბ. თარიღი 3 მაისი, 1959 (1959-05-03) (60 წლის)
დაბ. ადგილი სათხე
მოქალაქეობა საქართველოს დროშა საქართველო
განათლება სომხეთის სასოფლო-სამეურნეო ინსტიტუტი
ეროვნება სომეხი
პარტია  • ქართული ოცნება (2016 - დღემდე)
 • დამოუკიდებელი დეპუტატი (2012-2016 წლები)
 • ერთიანი ნაციონალური მოძრაობა (2008-2012 წლები)
 • დამოუკიდებელი დეპუტატი (1999 - 2008 წლები)
საქმიანობა ნინოწმინდის და ახალქალაქის მაჟორიტარი დეპუტატი პარლამენტში
შვილები 3
ჯილდოები
საქართველოს ღირსების მედალი
13 ოქტომბერი, 1998
საიტი :http://ninotsminda.majoritarian.ge/

ენზელ მკოიანი (დ. 3 მაისი, 1959, სათხე, საქართველოს სსრ, სსრკ) — ქართველი პოლიტიკოსი, საქართველოს ხუთი მოწვევის პარლამენტის (1999, 2004, 2008, 2012, 2016) წევრი.

ბიოგრაფია[რედაქტირება | წყაროს რედაქტირება]

1977-1981 წლებში მუშაობდა ბოგდანოვკის რაიონის (ამჟამად - ნინოწმინდის მუნიციპალიტეტი) სამსახურებში მუშად. 1981-1983 წლებში გაიარა სავალდებულო სამხედრო სამსახური სსრკ-ს ჯარში. 1983-1984 წლებში მუშაობდა ახალქალაქის მოძრავ-მექანიზებული კოლონაში მესამე თანრიგის მუშად. 1984-1990 წლებში იყო ალკკ ახალქალაქის რაიონული კომიტეტის წევრი. 1990 - 1999 წლებში მუშაობდა ახალქალაქში, კერძო სამშენებლო კომპანიებში ხელმძღვანელ თანამდებობებზე.

1999 წლიდან არის საქართველოს პარლამენტის წევრი. საქართველოს IX მოწვევის პარლამენტში კენჭი იყარა „ქართული ოცნება - დემოკრატიული საქართველო“-დან; საქართველოს VII და VIII მოწვევის პარლამენტში კენჭი იყარა საარჩევნო ბლოკიდან „ერთიანი ნაციონალური მოძრაობა“; საქართველოს VI და V მოწვევის პარლამენტში კენჭი იყარა საინიციატივო ჯგუფის წარდგენით.

მიხაილ ავაქიანის ძეგლი[რედაქტირება | წყაროს რედაქტირება]

2019 წლის 20 იანვარს სამველ მანუკიანთან ერთად მონაწილეობა მიიღო ყარაბაღის ომის მონაწილე მიხაილ ავაქიანის ძეგლის გახსნაში, რასაც დიპლომატიური სკანდალი მოყვა. ქართული პრესის შეფასებით, მიხაილ ავაქიანი მთიან ყარაბაღში განსაკუთრებული სისასტიკით იბრძოდა აზერბაიჯანის წინააღმდეგ. [1]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]