რობერტ თავაძე

რობერტ თავაძე
დაბადების თარიღი	24 აპრილი, 1930
დაბადების ადგილი	თბილისი, საქართველოს სსრ, სსრკ
გარდაცვალების თარიღი	16 აპრილი, 2004 (73 წლის)
მოქალაქეობა	საბჭოთა კავშირი →  საქართველო
ეროვნება	ქართველი

რობერტ გერონტის ძე თავაძე (დ. 24 აპრილი, 1930, თბილისი, — გ. 16 აპრილი, 2004, იქვე) — ქართველი სამხედრო პირი, საბჭოთა გენერალ-ლეიტენანტი (1979).

1948 წელს დაამთავრა სსრკ სამხედრო-საჰაერო ძალების სპეცსკოლა, 1951 — ვლადიკავკაზის სამხედრო-საავტომობილო სასწავლებელი, 1970 წელს — სსრკ შეიარაღებული ძალების გენშტაბის კ. ვოროშილოვის სახ. სამხედრო აკადემია, 1973 წელს — ლენინგრადის ზურგისა და ტრანსპორტის სამხედრო აკადემია.

1951 წლიდან მსახურობდა შორეულ აღმოსავლეთში, 3 წელი — ჩინეთში, შემდეგ — მოლდავეთში, უკრაინაში, 1970 წლიდან — ამიერკავკასიის სამხედრო ოლქში, 1976 წლიდან — ისევ შორეულ აღმოსავლეთში. 1985–1988 წლებში იყო შორეული აღმოსავლეთის მიმართულების ჯარების მთავარი სარდლის მოადგილე. 1992–1995 და 1998–1999 წლებში დანიშნული იყო საქართველოს თავდაცვის მინისტრის მოადგილედ. 1999–2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკიდან „საქართველოს მოქალაქეთა კავშირი“. არის ვახტანგ გორგასლის ორდენის სრული კავალერი (2000).

ლიტერატურა

• გოგიტიძე, მ., ბეჟიტაშვილი, გ., „სამხედრო ფიცის ერთგულნი“, თბილისი, 2015. — გვ. 112-113, ISBN 978-9941-0-7386-1.

• დოლიძე ლ., ენციკლოპედია „საქართველო“, ტ. 3, თბ., 2014. — გვ. 428.

რესურსები ინტერნეტში

• რობერტ თავაძე — საქართველოს ბიოგრაფიული ლექსიკონი
• რობერტ თავაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)