ვასილ ჩიგოგიძე

ვასილ ჩიგოგიძე
საქართველოს პარლამენტის წევრი
თანამდებობაზე ყოფნის დრო
22 აპრილი, 2004 – 7 ივნისი, 2008
დაბადებული	17 ნოემბერი, 1967 (1967-11-17) თბილისი
მოქალაქეობა	სსრკ →  საქართველო
ეროვნება	ქართველი
მეუღლე	დიახ
შვილები	2
განათლება	საქართველოს ტექნიკური უნივერსიტეტი

ვასილ ჩიგოგიძე (დ. 17 ნოემბერი, 1967, თბილისი) — ქართველი ინჟინერი, პოლიტიკოსი.

ბიოგრაფია

დაიბადა 1967 წლის 17 ნოემბერს. 1993 წელს დაამთავრა საქართველოს ტექნიკური უნივერსიტეტი, სარკინიგზო ტრანსპორტის გადაზიდვების პროცესის მართვის სპეციალობით. მუშაობდა თბილისის კონიაკის ქარხანაში მუშად, აგრეთვე ღვინის მრეწველობის სარემონტო სამშენებლო სამმართველოში. 1993-1996 წლებში იყო საერთაშორისო ბიზნესის ასოციაცია „საბა-XXI-ის“ კომერციული დირექტორი. 1996-1998 წლებში იყო საქართველოს რკინიგზის დეპარტამენტში სატარიფო-საექსპედიციო საწარმოს უფროსის, მოგვიანებით კი - საერთაშორისო გადაზიდვების და საგარეო ურთიერთობების სამსახურის უფროსი. 1998-2004 წლებში იყო „საქრკინიგზაექსპედიციის“ გენერალური დირექტორის მოადგილე და სამეთვალყურეო საბჭოს თავმჯდომარის მოადგილე. 2004-2008 წლებში იყო საქართველოს მე-6 მოწვევის პარლამენტის წევრი (ჩოხატაურის მაჟორიტარი), საარჩევნო ბლოკი: „ახალი საქართველოსთვის“. იყო საპარლამენტო ფრაქცია „დამოუკიდებელი მაჟორიტარების“ წევრი.

2020 წელს „ქართულმა ოცნებამ“ წარადგინა ოზურგეთის, ლანჩხუთისა და ჩოხატაურის მაჟორიტარობის კანდიდატად. მან ხმათა 55,76% (35 287 ხმა) მიიღო. 2020 წლიდან არის საქართველოს მე-10 მოწვევის პარლამენტის წევრი (მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.

რესურსები ინტერნეტში

• ვასილ ჩიგოგიძე — საქართველოს ბიოგრაფიული ლექსიკონი
• ვასილ ჩიგოგიძე — საქართველოს პარლამენტის ოფიციალური საიტი
• ბიოგრაფია „ქართული ოცნების“ საიტზე