გოგი მეშველიანი

მასალა ვიკიპედიიდან — თავისუფალი ენციკლოპედია
Jump to navigation Jump to search
გოგი მეშველიანი
დაბ. თარიღი 30 ნოემბერი, 1971 (1971-11-30) (48 წლის)
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თსუ
პარტია ქართული ოცნება
საქმიანობა ფინანსისტი, პოლიტიკოსი

გოგი მეშველიანი (დ. 30 ნოემბერი, 1971) — ქართველი პოლიტიკოსი და ფინანსისტი. საქართველოს პარლამენტის წევრი 2016 წლიდან.

ბიოგრაფია[რედაქტირება | წყაროს რედაქტირება]

გოგი მეშველიანი დაიბადა 1971 წლის 30 ნოემბერს. 1995 წელს დაამთავრა თბილისის სახელმწიფო უნივერსიტეტის ფინანსებისა და კრედიტების ფაკულტეტი.

1991-1994 წლებში იგი იყო საქართველოს რესპუბლიკის გვარდიის ოფიცერი, 1994-1995 წლებში კი საქართველოს ახალგაზრდობის საქმეთა სახელმწიფო დეპარტამენტის რწმუნებული. 1995-1996 წლებში საქართველოს პარლამენტის ერთ-ერთი წევრის ბიუროს უფროსი. 1996-1997 წლებში იგი იყო ბოლნისის რაიონის გამგეობის ეკონომიკური სამსახურის უფროსის მოადგილე. 1997-2001 წლებში იკავებდა სახელმწიფო საგადასახადო ინსპექციის უფროსის თანამდებობას. 2001-2003 წლებში იყო საქართველოს შემოსავლების სამინისტროს მარნეულის ზონალური საგადასახადო ინსპექციის უფროსი. 2005-2014 წლებში იკავებდა გაეროს ლტოლვილთა საქმეების უმაღლესი კომისარიატისა და საქართველოს ლტოლვილთა და განსახლების სამინისტროს ერთობლივი ინსპექციის კოორდინატორის თანამდებობას. 2014-2016 წლებში იყო ბოლნისის მუნიციპალიტეტის გამგებელი, ხოლო 2016 წლიდან არის პარლამენტის წევრი. იგი არის ფრაქციის „ქართული ოცნება — რეგიონების განვითარებისთვის“ თავმჯდომარის მოადგილე.

რესურსები ინტერნეტში[რედაქტირება | წყაროს რედაქტირება]