დავით ბაქრაძე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
Disambig-dark.svg ტერმინს „დავით ბაქრაძე“ აქვს სხვა მნიშვნელობებიც, იხილეთ დავით ბაქრაძე (მრავალმნიშვნელოვანი).
დავით ბაქრაძე
დავით ბაქრაძე
საქართველოს პარლამენტის თავმჯდომარე
თანამდებობაზე ყოფნის დრო
7 ივნისი, 2008 – 21 ოქტომბერი, 2012
პრეზიდენტი  მიხეილ სააკაშვილი
პრემიერ-მინისტრი  გრიგოლ მგალობლიშვილი, ნიკოლოზ გილაური,
ივანე მერაბიშვილი
წინამორბედინინო ბურჯანაძე
მემკვიდრედავით უსუფაშვილი

თანამდებობაზე ყოფნის დრო
25 იანვარი, 2008 – 24 აპრილი, 2008
პრეზიდენტიმიხეილ სააკაშვილი
პრემიერ-მინისტრივლადიმერ გურგენიძე
წინამორბედიგელა ბეჟუაშვილი
მემკვიდრეეკა ტყეშელაშვილი

დაბადებული1 ივლისი, 1972 (1972-07-01) (48 წლის)
თბილისი, საქართველოს სსრ, სსრკ
მოქალაქეობასაბჭოთა კავშირის დროშა სსრკ
საქართველოს დროშა საქართველო
ეროვნებაქართველი
პოლიტიკური პარტიაერთიანი ნაციონალური მოძრაობა (2004-2017)
ევროპული საქართველო (2017-დღემდე)
განათლებასაქართველოს ტექნიკური უნივერსიტეტი
პროფესიაფიზიკოსი
ჯილდოებიწმინდა გიორგის სახელობის გამარჯვების ორდენი

დავით ბაქრაძე (დ. 1 ივლისი, 1972, თბილისი) — ქართველი პოლიტიკოსი, საქართველოს მეშვიდე მოწვევის პარლამენტის ყოფილი თავმჯდომარე.

ბიოგრაფია[რედაქტირება | წყაროს რედაქტირება]

1994 წელს დაამთავრა საქართველოს ტექნიკური უნივერსიტეტი ფიზიკოსის სპეციალობით და სახელმწიფო მართვის ინსტიტუტი სახელმწიფო მოხელის სპეციალობით. არის ფიზიკა-მათემატიკურ მეცნიერებათა კანდიდატი.

1998-2002 წლებში მუშაობდა საქართველოს საგარეო საქმეთა სამინისტროში. 2002 წლიდან ეროვნული უშიშროების საბჭოში გადავიდა. 2004-2007 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა — დემოკრატები“. იყო ევროინტეგრაციის საპარლამენტო კომიტეტის თავმჯდომარე. 2008 წლის ვადამდელ საპრეზიდენტო არჩევნებში იყო მიხეილ სააკაშვილის საარჩევნო შტაბის უფროსი. 2008 წლის იანვარში დაინიშნა საქართველოს საგარეო საქმეთა მინისტრად. 2008-2012 წლებში — საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი „ერთიანი ნაციონალური მოძრაობა — გამარჯვებული საქართველოსთვის“. 2008 წლის ივნისიდან 2012 წლის 21 ოქტომბრამდე იყო საქართველოს პარლამენტის თავმჯდომარე. 2012-2016 წლებში — საქართველოს მე-8 მოწვევის პარლამენტის წევრი პარტიული სიით, საარჩევნო ბლოკი „ერთიანი ნაციონალური მოძრაობა — „მეტი სარგებელი ხალხს“. 2016-2020 წლებში — საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“.

2017 წლის 27 მაისს არჩეულ იქნა „ევროპული საქართველოს“ თავმჯდომარედ. 2018 წლის საპრეზიდენტო არჩევნებში მონაწილეობას იღებდა როგორც ევროპული საქართველოს საპრეზიდენტო კანდიდატი. პირველ ტურში მან მესამე ადგილი დაიკავა და მეორე ტურში მხარდაჭერა გამოუცხადა „ძალა ერთობაშიას“ კანდიდატს გრიგოლ ვაშაძეს.

2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ბაქრაძე, უგულავა, ბოკერია - ევროპული საქართველო — მოძრაობა თავისუფლებისთვის“.[1]

Commons-logo.svg
ვიკისაწყობში არის გვერდი თემაზე:

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

პოლიტიკური თანამდებობები
წინამორბედი:
გელა ბეჟუაშვილი
საქართველოს საგარეო საქმეთა სამინისტრო
2008
შემდეგი:
ეკა ტყეშელაშვილი
წინამორბედი:
ნინო ბურჯანაძე
საქართველოს პარლამენტის თავმჯდომარე
2008–2012
შემდეგი:
დავით უსუფაშვილი