ზაზა გაბუნია

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ზაზა გაბუნია
Zaza Gabunia.jpg
დაბადების თარიღი 23 აპრილი, 1984 (1984-04-23) (37 წლის)
დაბადების ადგილი ქუთაისი, საქართველოს სსრ, სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თბილისის სასწავლო უნივერსიტეტი;
თბილისის სასულიერო სემინარია;
კინგსტონის უნივერსიტეტი
ეროვნება ქართველი
რელიგია მართლმადიდებელი
პარტია ქრისტიან-დემოკრატიული მოძრაობა (2010-2016)
ქართული ოცნება — დემოკრატიული საქართველო (2016-დან)
საქმიანობა პოლიტიკოსი, მწერალი
პირადი ბლოგი

ზაზა გაბუნია (დ. 23 აპრილი, 1984, ქუთაისი) — ქართველი იურისტი, მწერალი, პოლიტიკოსი.

ბიოგრაფია[რედაქტირება | წყაროს რედაქტირება]

2004-2005 წლებში მუშაობდა საპატრიარქოს ახალგაზრდული ცენტრის ადმინისტრაციის ხელმძღვანელად. 2005-2007 წლებში იყო საპატრიარქოს რადიო „ივერიას“ გადაცემის წამყვანი. 2007-2008 წლებში იყო გაერთიანებული ოპოზიციის გაერთიანებული ახალგაზრდული მოძრაობების ლიდერი. 2006-2007 წლებში გახდა არასამთავრობო ორგანიზაცია „ქართული აზრის“ დამფუძნებელი და თავმჯდომარე. 2008-2009 წლებში იყო ორგანიზაცია „ახალგაზრდა ქრისტიან დემოკრატების“ თავმჯდომარე. 2008-2009 წლებში სწავლობდა ევროპის საბჭოს თბილისის პოლიტიკური სწავლების სკოლაში. 2004-2008 წლებში სწავლობდა თბილისის სასულიერო სემინარიაში. 2003-2007 წლებში დაასრულა თბილისის სასწავლო უნივერსიტეტი იურისტის სპეციალობით. 2010 წელს გახდა თბილისის საკრებულოს ადამიანის უფლებების დაცვის კომისიის თავმჯდომარის მოადგილე. 2013-2014 წლებში იყო თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე. 2014-2016 წლებში იყო თბილისის მთავრობის წევრი და ნაძალადევის რაიონის გამგებელი. 2015 წელს გახდა საფრანგეთის საგარეო საქმეთა სამინისტროს პროგრამის „მომავლის ლიდერების“ კურსდამთავრებული. 2016-2020 წლებში იყო საქართველოს მე-9 მოწვევის პარლამენტის წევრი (მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. რეგიონული პოლიტიკისა და თვითმმართველობის კომიტეტის თავმჯდომარე.

ჰყავს მეუღლე და სამი შვილი.

არის ათობით საგაზეთო და ინტერნეტ პუბლიკაციის, ესეების წიგნის „პუბლიცისტური მოდუს ვივენდი“ და რომანის „მონოლოგი სარწეველა სკამიდან“ ავტორი. არის ელიტარული ინტელექტკლუბის — რა? სად? როდის?“ ბროლის ბუს მფლობელი.[1]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]