როზა ლორთქიფანიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
როზა ლორთქიფანიძე
დაბადების თარიღი 2 დეკემბერი, 1954 (1954-12-02) (65 წლის)
დაბადების ადგილი ზანავი, ადიგენის რაიონი, საქართველოს სსრ, სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება საქართველოს სასოფლო-სამეურნეო ინსტიტუტი
სამეცნიერო ხარისხი სოფლის მეურნეობის მეცნიერებათა დოქტორი
ეროვნება ქართველი
საქმიანობა ინჟინერი, აგრონომი, პოლიტიკოსი

როზა ლორთქიფანიძე (დ. 2 დეკემბერი, 1954, სოფ. ზანავი, ახლანდ. ადიგენის მუნიციპალიტეტი)[1]ქართველი ინჟინერი, პოლიტიკოსი. სოფლის მეურნეობის მეცნიერებათა კანდიდატი, დოქტორი.

1980 წელს დაამთავრა საქართველოს სასოფლო-სამეურნეო ინსტიტუტის აგრონომიული ფაკულტეტი.

1980-1988 წლებში იყო ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის უფროსი ლაბორანტი, უმცროსი მეცნიერ-თანამშრომელი. 1988-1991 წლებში იყო ჩაის, სუბტროპიკულ კულტურათა და ჩაის მრეწველობის სამეცნიერო-საწარმოო გაერთიანების უფროსი მეცნიერ-თანამშრომელი. 1991-1992 წლებში იყო წყალტუბოს ზონის სოფლის, ტყის მეურნეობისა და კვების მრეწველობის საწარმოო გაერთიანების თავმჯდომარე, სამმართველოს უფროსი. 1992-1993 წლებში იყო წყალტუბოს ზონის გამგებლის I მოადგილე. გამოქვეყნებული აქვს 29 სამეცნიერო ნაშრომი, მონოგრაფია. 1986 წელს დაიცვა საკანდიდატო დისერტაციის თემა „საქართველოს ძირითადი ტიპის ნიადაგებში ფოსფორიანი სასუქების სხვადასხვა ფორმების ურთიერთქმედება მინერალოგიურ ასოციაციებთან“. 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „საქართველოს მწვანეთა პარტია“. 1995-1999 წლებში იყო საქართველოს მე-4 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“. 1999-2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. როზა ლორთქიფანიძის დეკლარაცია. declaration.gov.ge (24 აპრილი, 2000). ციტირების თარიღი: 26 ივლისი, 2020.