ზურაბ ქაფიანიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
ზურაბ ქაფიანიძე
დაბ. თარიღი 1 აპრილი, 1937
გარდ. თარიღი 4 ივლისი, 2011 (74 წლის)
თბილისი, საქართველო
საქმიანობა მსახიობი

ზურაბ ქაფიანიძე (დ. 1 აპრილი, 1937 — გ. 4 ივლისი, 2011, თბილისი) — ქართველი მსახიობი. საქართველოს სახალხო არტისტი (1979), შოთა რუსთაველის სახელობის სახელმწიფო პრემიის ლაურეატი (1985).

1961 წელს დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი. 1961–1964 წლებში მოღვაწეობდა ქუთაისის ლადო მესხიშვილის სახელობის თეატრში მსახიობად. 1964 წლიდან კინოსტუდია „ქართული ფილმის“ მსახიობი იყო.

1999–2003 წლებში იყო საქართველოს მე-5 მოწვევის პარლამენტის წევრი.

დაკრძალულია დიდუბის მწერალთა და საზოგადო მოღვაწეთა პანთეონში.

სამეცნიერო მოღვაწეობა[რედაქტირება | წყაროს რედაქტირება]

გამოსცა სამეცნიერო გაზეთი „შუმერი“. დააარსა ამავე სახელწოდების სამეცნიერო ცენტრი. 40 წლის შრომის შედეგად, როგორც თვითონ იყო დარწმუნებული, ახსნა ძვ. წ. V-III ათასწლეულების შუმერული თიხის ფირფიტები და ბეჭდები, თიხის შუმერული ჭურჭლის მოხატულობა და სარკოფაგთა წარწერების ხაზობრივი სისტემა. მისივე მტკიცებით, აღმოაჩინა ანბანის რიცხვობრივი ხაზობრივი და კოსმიური სისტემის ფორმულა, რითაც , თითქოსდა, ცხადი გახდა უძველესი ქართული ასომთავრულის შუმერული წარმომავლობა. ასევე ამტკიცებდა, რომ აღადგინა ძვ. წ. 5604 წლის შუმერული კალენდარი.[1]

ქაფიანიძის მოსაზრებები მეცნიერებაში გაზიარებული არ არის.

ფილმოგრაფია[რედაქტირება | წყაროს რედაქტირება]

ბიბლიოგრაფია[რედაქტირება | წყაროს რედაქტირება]

  • „შუმერების ანბანი“ (ავტორი). 128გვ. თბ., ხელოვნება, 1990
  • „კაცობრიობის პირველი ანბანი“ : ძველი აღმოსავლეთის სამყაროსეულ ცივილიზაციათა სათავე (ავტორი). 99გვ., თბ., "სამშობლო"-ს სტ., 1997
  • „ბიქილას საიდუმლო“ (ავტორი). 120გვ., თბ., შუმერი, 2008
  • „ასეთი იყო ჩემი საქართველო“ : მოგონებები, მინიატურები, ჩანახატები (ავტორი). 226გვ., თბ., მერიდიანი, 2011. . - ISBN: 978-9941-10-451-0

ჯილდოები, პრემიები და პრიზები[რედაქტირება | წყაროს რედაქტირება]

  • 1979: საქართველოს სახალხო არტისტი
  • 1985: შოთა რუსთაველის სახელობის სახელმწიფო პრემია

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ზურაბ ქაფიანიძე, თეიმურაზ მიბჩუანი:შუმერული ანბანი-ქართული ასომთავრული