გიორგი ვაშაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
გიორგი ვაშაძე
გიორგი ვაშაძე
გიორგი ვაშაძე, საქართველოს პარლამენტის წევრი
საქართველოს პარლამენტის წევრი ერთიანი ნაციონალური მოძრაობის პარტიული სიით
ამჟამინდელი თანამდებობა
დაიკავა21 ოქტომბერი, 2012

თანამდებობაზე ყოფნის დრო
2012 – 2012
პრეზიდენტიმიხეილ სააკაშვილი

თანამდებობაზე ყოფნის დრო
2006 – 2010

დაბადებული8 ივლისი, 1981
ჭიათურა, საქართველო
მოქალაქეობასაქართველოს დროშა საქართველო
ეროვნებაქართველი
პოლიტიკური პარტიაახალი საქართველო
განათლებათბილისის სახელმწიფო უნივერსიტეტისაქართველოს ტექნიკური უნივერსიტეტიჰარვარდის ბიზნეს სკოლა
საქმიანობაპოლიტიკოსი

გიორგი ვაშაძე (დ. 8 ივლისი, 1981) — ქართველი პოლიტიკოსი და საქართველოს პარლამენტის წევრი. 2012 წლის 21 ოქტომბერს არჩეულ იქნა საქართველოს პარლამენტის წევრად ერთიანი ნაციონალური მოძრაობის პარტიული სიით [1]. აგრეთვე არის ერთიანი ნაციონალურ მოძრაობის ფრაქციის წევრი, საფინანსო-საბიუჯეტო კომიტეტის თავმჯდომარის მოადგილე უმცირესობის კვოტით, საქართველოს პარლამენტის განათლების, მეცნიერების და კულტურის კომიტეტის წევრი, აუდიტის ხარისხის კონტროლისა და შიდა კონტროლის პროცედურების შემმოწმებელი საქართველოს პარლამენტის დროებითი კომისიის წევრი.[2]

გიორგი ვაშაძე არის არასამთავრობო ორგაიზაცია „ინოვაციებისა და განვითარების ფონდის“ დამფუძნებელი, ფონდის მიზანია ინოვაციური პოტენციალის გაძლიერების მხარდაჭერა მდგრადად განვითარებად ქვეყნებში და მათი ინტეგრაცია, ცოდნის გლობალურ საზოგადოებაში; ინოვაციური პროექტების ინიცირება ცოდნის ეკონომიკის სტარტაპებისთვის, ქვემოდან-ზემოთ საზოგადოებრივი და ე-დემოკრატიის პროექტების მხარდაჭერა, უკრაინის მთავრობის მხარდაჭერა ანტიკორუფციულ რეფორმებში და ახალი სამოქალაქო სერვისების დანერგვა საუკეთესო ქართულ პრაქტიკაზე დაყრდნობით.

კარიერა[რედაქტირება | წყაროს რედაქტირება]

გიორგი ვაშაძეს მდიდარი გამოცდილება აქვს ფუნდამენტური რეფორმების ინიცირების, დაგეგმვისა და მართვის მიმართულებით. 2005 წლიდან აქტიურად იყო ჩართული და წარმატებით განახორციელა საქართველოს იუსტიციის სამინისტროს მრავალი პროექტი. სამოქალაქო რეესტრის სააგენტოს ხელმძღვანელობისას (საქართველო, 2006-2010) მისი ხელმძღვანელობით განხორციელდა ბიომეტრიული პასპორტების, პირადობის მოწმობების, ციფრული ხელმოწერის, მოქალაქის პორტალის- www.my.gov.ge, ერთიანი დემოგრაფიული რეესტრის, ვიზუალური ამოცნობის, დაჩქარებული მომსახურების, დისტანციური მომსახურების (ონლაინ, დარეკეთ სახლში), Baby Book პროექტები და ა. შ.[3]

ყველა ზემოთხსენებული პროგრამა და პროექტი გადამწყვეტი მნიშვნელობის იყო სერვისების გაუმჯობესების, კორუფციის ეფექტურად აღმოფხვრისა და საქართველოს საერთაშორისო მდგომარეობის გაუმჯობესების კუთხით.

გიორგი ვაშაძე იუსტიციის მინისტრის მოადგილის რანგში პასუხისმგებელი იყო იუსტიციის სახლზე (2011), რომელის კონცეფციაც ეფუძნებოდა პრინციპს- „ყველაფერი ერთ სივრცეში". იუსტიციის სახლების პროექტი 2011 წელს აღიარებულ იქნა ყველაზე წარმატებულ ქართულ რეფორმად. ბოლო წლებში საქართველომ მსოფლიო ბანკის,ევროპის რეკონსტრუქციისა და განვითარების ბანკისა და საერთაშორისო გამჭვირვალობის (TI) რეიტინგებში [4]. ლიდერის პოზიციები დაიკავა.[5]

გიორგი ვაშაძის რამდენიმე ინიციატივა წარმატებით განხოციელდა ან ამჟამად ხორციელდება. მათ შორის, ელექტრონული ჯანდაცვის პროექტი (2011), რომელიც ორიენტირებულია ჯანდაცვის მომსახურებების სწრაფი და კომფორტული მიწოდების სისტემის შექმნაზე. ე-მთავრობა (2011) ინიციატივა მიმართულია გადაწყვეტების შემუშავებაზე, რომელიც ადგილობრივ თვითმმართველობებში მოახდენს მართვის ელექტონული სისტემის პილოტირებას. პროგრამა სოფლის სახლის (2012) მიზანს წარმოადგენდა ჯანდაცვის სერვისების სწრაფი და კომფორტული მიწოდების ხელშეწყობისთვის გადაწყვეტების შემუშავება.[6] კომპიუტერის ცოდნის გამავრცელებელი საზოგადოების შექმნა გიორგი ვაშაძის ერთ-ერთი ყველაზე წარმატებული აქტივობაა. პროექტი მიზნად ისახავს ძირითადი ტექნიკური ინფრასტრუქტურის ცენტრების შექმნას კვალიფიციური პერსონალის ხელმძღვანელობით, საქართველოს სოფლების მოსახლეობის საგანმანათლებლო და კულტურული გარემოს გაუმჯობესებისთვის.[7]

პროექტები და ინიციატივები[რედაქტირება | წყაროს რედაქტირება]

იუსტიციის სახლი(2011)[რედაქტირება | წყაროს რედაქტირება]

იუსტიციის სახლის კონცეფცია ეფუძნება პრინციპს „ყველაფერი ერთ სივრცეში’’. პროექტი გულისხმობს სივრცის შექმნას, რომელიც გააერთიანებს ყველა სახელმწიფო მომსახურებას და ამით საშუალებას მისცემს საქართველოს ნებისმიერ მოქალაქეს მიიღოს ყველა საჭირო დოკუმენტი და მასთან დაკავშირებული მომსახურეობები მყისიერად და ერთ სივრცეში. პროექტის არსებობის წელიწადნახევრის მანძილზე ქვეყნის სხვადასხვა რეგიონში 12 იუსტიციის სახლი გაიხსნა. იუსტიციის ყველა სახლი 300 სახეობის სერვისს აერთიანებს. ატმოსფერო ორიენტირებულია სიმარტივესა და კომფორტზე.

იუსტიციის სახლში მოქმედებს JUSTcafe, რომელიც მომხმარებლებს საშუალებას აძლებს სასმელისა და საკვების მირთმევის პარალელურად ისარგებლონ იუსტიციის სახლის სერვისებით. სერვისების ოპერატორები კლიენტებს დახმარებას გაუწევენ ნებისმიერ საკითხთან დაკავშირებით (პირადობის მოწმობები, პასპორტები, ფოტოები და ა. შ.) თბილისის იუსტიციის სახლში აგრეთვე იგეგმება Just Drive-ის განვითარება. იდეა მდგომარეობს იმაში, რმ მომხმარებელმა შეძლოს პასპორტის, დაბადების მოწმობისა და სხვა დოკუმენტების მიღება შენობაში შესვლის გარეშე მანქანიდან გადმოუსვლელად იუსტიციის სახლის ტერიტორიაზე Just Drive-ის ფანჯრით.

იუსტიციის სახლის პროექტი აღიარებულ იქნა 2011 წლის ყველაზე წარმატებულ ქართულ რეფორმად. ბოლო წლებში საქართველომ ლიდერის პოზიციები დაიკავა მსოფლიო ბანკის, ევროპის რეკონსტრუქციისა და განვითარების ბანკისა და საერთაშორისო გამჭვირვალობის (TI)-ის რეიტინგებში. ანგარიშებში საქართველო განთავსებულია შემდეგ რეიტინგებში: #1 რეფორმატორი ბოლო 8 წლის მანძილზე (მსოფლიო ბანკი, 2014)[8] #8 ადგილი ბიზნესის დაწყების სიმარტივის მიხედვით, (მსოფლიო ბანკი, 2014)[9], მე-8 ადგილი ბიზნესის კეთების სიმარტივის მიხედვით (მსოფლიო ბანკი, 2014)[10], პირველი ადგილი ოფიციალური დოკუმენტების გაცემის მიმართულებით (ცხოვრება გარდამავალ პერიოდში, ევროპის რეკონსტრუქციისა და განვითარების ბანკი EBRD), მეორე ადგილი ეფექტური სერვისის მიწოდებაში (ცხოვრება გარდამავალ პერიოდში, ევროპის რეკონსტრუქციისა და განვითარების ბანკი EBRD) და ა. შ.[11]

კომპიუტერის ცოდნის გამავრცელებელი საზოგადოება (2012)[რედაქტირება | წყაროს რედაქტირება]

გიორგი ვაშაძე კომპიუტერული ცოდნის გამავრცელებელი საზოგადოების [12] შექმნის ერთ-ერთი ინიციატორია, რომელიც დაარსდა 2012 წლის მაისში. დამფუძნებელთა შორის იყო მრავალი სახელმწიფო ინსტიტუცია, ბიზნეს კომპანია, უნივერსიტეტი და არასამთავრობო ორგანიზაცია. საზოგადოების გლობალური მიზანია სოციალური და ეკონომიკური კეთილდღეობის უზრუნველყოფა მაღალ ტექნოლოგიებზე წვდომის უზრუნველყოფითა და ელექტრონული სერვისებით. კომპიუტერის ცოდნის გამავრცელებელი საზოგადოების პირველი მთავარი პროექტი იყო „ცოდნის ცენტრები 300 ქართულ სოფელში’’, პროექტი მიზნად ისახავდა ძირითადი ტექნოლოგიური ინფრასტრუქტურით აღჭურვილი ცენტრების შექმნას გადამზადებული თანამშრომლების ხელმძღვანელობით, საქართველოს სოფლების მოსახლეობისთვის საგანმანათლებლო და კულტურული გარემოს უზრუნველყოფის მიზნით. პროექტისთვის შერჩეულ იქნა 300 დიდი სოფელი, და შეირჩა და გადამზადდა 600 ადამიანი. განხორციელდა ძირითადი კომპიუტერული მოწყობილობების შესყიდვა და ცენტრებში განაწილება. პროექტი მდგრადი აღმოჩნდა- ამჟამად, საქართველოს სხვადასხვა რეგიონში 250 ცოდნის ცენტრი მუშაობს დამოუკიდებლად და ეფექტურად ყოველგვარი გარე ფინანსური მხარდაჭერის გარეშე.

ელექტრონული ხელმოწერა (2012)[რედაქტირება | წყაროს რედაქტირება]

ინიციატივა მიზნად ისახავს საქართველოში ელექტრონული ხელმოწერის შემუშავებასა და რეალიზაციას. შედეგად დაინერგა მაღალი სანდოობის, მოქნილი და ტექნოლოგიურად რთული სისტემა, რომელიც პირადობის მოწმობის მქონე ნებისმიერ პირს აძლევს საშუალებას დოკუმენტებს ხელი ელექტრონულად და სანდოდ მოაწეროს. ელექტრონული ხელმოწერა გამოიყენება ალგორითმის დაშიფვრის სტანდარტში და შედგება სამი ძირითადი კომპონენტისგან: საიდუმლო გასაღები (ჩაწერილია პიროვნების ID ბარათზე), ღია გასაღები (შეიძლება შეიძინოს ნებისმიერმა მოქალაქემ) და ციფრული სერტიფიკატი (შეიცავს პერსონალურ მონაცემებს, ღია გასაღებსა და ტექნიკურ ინფორმაციას).[13]

ID ბარათები (2011)[რედაქტირება | წყაროს რედაქტირება]

პროექტი მიმართულია საქართველოში ID ბარათების სიტემის რეალიზაციაზე. მიზანი მდგომარეობდა იმაში, რომ შემოეტანათ ბართი მაღალი დონის საიმედოობითა და ტექნოლოგიური მახასიათებლებით. ID ბარათი პიროვნების იდენტიფიცირების შესაძლებლობას იძლევა არამარტო დოკუმენტებზე ელექტრონული ხელმოწერით, არამედ სხვა ტიპის ბარათების ინტეგრაციის შესაძლებლობასაც იძლევა და ამგვარად შესაძლებელს ხდის მის გამოყენებას სხვადასხვა მიზნებისთვის (მაგალითად, ფინანსური ოპერაციებისთვის. პროექტი 2011 წელს დასრულდა, მიბმული სერვისები მოდერნიზებულია. ID ბარათის აღების პროცესი მარტივი და კომფორტულია. (საჭიროა 1-დან 10 დღემდე პერიოდი).[14]

საზოგადოებრივი ცენტრების განვითარების პროექტი (2012)[რედაქტირება | წყაროს რედაქტირება]

პროგრამის მიზანია სახელმწიფო სერვისებზე ღია წვდომას უზრუნველყოფა საქართველოს სოფლების მოსახლეობისთვის. ამ მიზნით, ქვეყნის სხვადასხვა რეგიონში შეიქმნა სოფლის სახლები. სოფლის სახლები გაერთიანებულია ადგილობრივი მთავრობების ოფისებთან, იუსტიციის სამინისტროს განშტოებებთან, სამოქალაქო რეესტრის წარმომადგენლობებთან და ნოტარიალურ და საბანკო სერვისებთან.[15]

მოქალაქის პორტალი ჩემი ელექტრონული მთავრობა my.gov.ge[რედაქტირება | წყაროს რედაქტირება]

My.gov.ge-ს პროექტი ონლაინ პლატფორმის განვითარებას გულისხმობს, რომელიც მომხმარებელს საშუალებას მისცემს ყველა სახელმწიფო სერვისი ერთ ვირტუალურ სივრცეში ჰქონდეს თავმოყრილი. ის უზრუნველყოფს 70-ზე მეტ სერვისზე წვდომას, მათ შორის ისეთებზე, რომლებიც პირად დოკუმენტებთანაა დაკავშირებული (პასპორტი, სერტიფიკატი, და ა. შ.) ქონება, სოციალური მომსახურება, ჯანდაცვა და ბიზნესი, აგრეთვე კომუნალური მომსახურების გადასახადები, ჯარიმები და ა. შ. პორტალზე წვდომა შესაძლებელია ID ბარათით და სამომხმარებლო მონაცემებით, რომელთა მიღებაც შესაძლებელია იუსტიციის სახლში.

ელექტრონული ჯანდაცვის სისტემა (2011)[რედაქტირება | წყაროს რედაქტირება]

ელექტრონული ჯანდაცვის სისტემის პროექტი მიზნად ისახავს გადაწყვეტების შემუშავებას ჯანდაცვის სერვისების მარტივად და კომფორტულად მიწოდებისთვის. პროექტი მიმართულია სამედიცინო ჩანაწერების თავსებადი საინფორმაციო სისტემების შემუშავებასა და უფრო ეფექტური და ქმედითი ბიზნეს პროცესების შექმნაზე. პროექტის საბოლოო მიზანი მდგომარეობს იმაში, რომ ყოველ მოქალაქეს ჰქონდეს შესაძლებლობა მიიღოს მარტივი, პირადი, უსაფრთხო წვდომა საავადმყოფოებზე, ლაბორატორიებისა და სხვა სამედიცინო სერვისებზე ID ბარათის მეშვეობით.

ელექტრონული მმართველობა (2011)[რედაქტირება | წყაროს რედაქტირება]

ელექტრონული მმართველობის პროექტი გვთავაზობს საპილოტე ელექტრონულ სისტემას ადგილობრივი თვითმმართველობების ორგანოებისთვის. სისტემა მხარს უჭერს ადგილობრივი ტერიტორიული ორგანოებისა და სახელმწიფო ინსტიტუციების ეფექტურ კავშირს, მონაცემებზე წვდომის უზრუნველყოფით, რომლებიც საიმედოდაა დაცული ცენტრალური მთავრობის მონაცემთა ბაზებში. ამგვარად გადაწყვეტილებების მიღების პროცესი და შესაბამისად სერვისების მიწოდება მოქალაქეებისთვის უფრო ეფექტური და ქმედითი გახდა. ძირითად მიღწევებს შორის ხარისხის დანერგილი მექანიზმების წყალობით მომსახურება გაუმჯობესდა და მომსახურების მიწოდების ვადები შემცირდა, აგრეთვე იკლო ოპერაციულ და ადამიანურ რესურსებზე ხარჯებმა. პროექტის საბოლოო მიზანს წარმოადგენს გამჭირვალობისა და პროცესების სტანდარტიზაციის მხარდაჭერა ადგილობრივი თვითმმართველობების ორგანოებში, და აგრეთვე მათი ჰარმონიზაცია ქვეყნის საკანონმდებლო ბაზასთან.

ბიომეტრული პასპორტების დანერგვა (2010)[რედაქტირება | წყაროს რედაქტირება]

ბიომეტრული პასპორტების რეალიზაციის პროექტი გიორგი ვაშაძის მიერ იყო ინიცირებული და იუსტიციის მინისტრის მოადგილისა და სამოქალაქო რეესტრის ხელმძღვანელის რანგში მას თავად უძღვებოდა 2009-2010 წლებში. ბიომეტრული პასპორტების საპასპორტო სისტემის იმპლიმენტაცია ვიზების გაცემის გამარტივებისთვის საქართველოს ევროკავშირთან შეთანხმებისას რეკომენდირებული ერთ-ერთი მთავარი საკითხი იყო (25.02.2011, 22011A0225(02)). პროექტის შედეგად, ქართული საპასპორტო სისტემის სრული მოდერნიზება მოხდა ევროპულ სტანდარტებზე დაფუძნებით, რომელმაც შედეგად გააადვილა საქართველოს მოქალაქეების მოგზაურობა ევროპის მასშტაბით. ბიომეტრული პასპორტი ევროპული ტიპის პირადობის დამადასტურებელი დოკუმენტია, რომელშიც ინახება პირადი მონაცემები, მათ შორის ელექტრონული ფოტო და თითის ანაბეჭდები. ის ნამდვილი საიმედო და გაყალბებისგან დაცული დოკუმენტია. პროექტი მომხმარებლებს სთავაზობს თანმხლები სერვისების მოდერნიზაციას, აგრეთვე პასპორტის აღების გამარტივებულ პროცესს. საქართველოს მოქალაქეებს პასპორტის აღება შეუძლიათ ნებისმიერ შესაბამის დროს (1-დან 10 დღემდე ვადაში).[16]

სამოქალაქო რეესტრის სისტემის რეფორმა (2005 წლიდან)[რედაქტირება | წყაროს რედაქტირება]

საქართველოს იუსტიციის სამინისტროს სამოქალაქო რეესტრის სააგენტომ, გიორგი ვაშაძის ხელმძღვანელობით, წარმატებით გაახორციელა რამდენიმე რეფორმა. რომელთა შედეგადაც, საქართველოს მოქალაქეები სარგებლობენ გამარტივებული, სწრაფი და ხარისხიანი სერვისებით, აგრეთვე მეგობრული ატმოსფეროთი და ახალი პროდუქტებით სამოქალაქო რეესტრის ოფისებში. სამოქალაქო რეესტრი აერთიანებს ქვეყანაში მცხოვრებ და მის ფარგლებს გარეთ მყოფ საქართველოს მოქალაქეთა ყველა ინფორმაციასა და მონაცემს და ამგვარად ქმნის ერთიან დემოგრაფიულ რეესტრს. სამოქალაქო რეესტრის უმნიშვნელოვანეს მიღწევებს შორისაა ბიზნეს პროცესების მოდერიზაცია, კორუფციის აღმოფხვრა, ბიომეტრული პასპორტების დანერგვა, ID ბარათები, ციფრული ხელმოწერა, ვიზუალური ამოცნობა, დაჩქარებული სერვისები და ა. შ. სერვისებზე წვდომა გაძლიერდა და გამარტივდა ქვეყნის ფარგლებს გარეთ მყოფი მოქალაქეებისთვის, მათ დისტანციურად, ინტერნეტის მეშვეობით (მაგ. Skype) შეუძლიათ სხვადასხვა დოკუმენტის აღება (პასპორტი, აპოსტილი, ლეგალიზაცია და ა. შ.)[17] სერვისის მიწოდება ასევე შესაძლებელია უშუალოდ სახლში, ხოლო მათთვის ვინც დროში შეზღუდულია, სერვისის მიღება შეუძლიათ უმოკლეს ვადებში (მაგალითად, 15 წუთში, რამდენიმე საათში, ერთ დღეში და ა. შ.). სამოქალაქო რეესტრმა მოახდინა პროექტის პოზიტიური დედობა ინიცირება [18] , რომელიც მიზნად ისახავს მშობლების ინფორმირებას ბავშვთა განვითარების შესახებ, მათთვის ყველაზე მნიშვნელოვანი ეტაპების SMS შეტყობინებებით შეხსენებით.[19]

განათლება[რედაქტირება | წყაროს რედაქტირება]

ჰარვარდის ბიზნეს სკოლა- ლიდერობის განვითარების პროგრამა. მიღებული აქვს ორი სამეცნიერო ხარისხი საჯარო ადმინისტრირებაში საქართველოს ტექნიკური უნივერსიტეტში და სამართლის ხარისხი თბილისის სახელმწიფო უნივერსიტეტში.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. http://parliament.ge/ge/mp/2002 საქართველოს პარლამენტის ოფიციალური ვებსაიტი, დეპუტატი გიორგი ვაშაძე
  2. http://parliament.ge/ge/mp/2002 საქართველოს პარლამენტის ოფიციალური ვებსაიტი, დეპუტატი გიორგი ვაშაძე
  3. http://sda.gov.ge/ka-GE/Passport/ საქართველოს მოქალაქის პასპორტი, ბიომეტრიული პასპორტი
  4. [http://www.tabula.ge/ge/story/62286-saqartvelo-msoflio-bankis-reitingis-pirvel-ateulshi-xvdeba 2.
  5. http://www.mfa.gov.ge/index.php?lang_id=GEO&sec_id=649 საქართველოს საერთაშორისო რეიტინგი
  6. http://www.myvideo.ge/?video_id=1767138 იუსტიციის სამინისტროს ახალი პროექტი - მანგლისში საზოგადოებრივი ცენტრი გაიხსნა
  7. https://www.facebook.com/taoba.ge კომპიუტერის ცოდნის გამავრცელებელი საზოგადოების ოფიციალური გვერდი facebook-ზე
  8. http://www.ebrd.com/downloads/country/strategy/georgia-draft-georgian.pdf ევროპის რეკონსტრუქციისა და განვითარების ბანკის დოკუმენტი
  9. http://www.economy.ge/uploads/ek_ciprebshi/reitingebi/reitingebi_geo/Heritage__2014_geo.pdf მსოფლიო ბანკის ანგარიში ქვეყნებში ბიზნესის დაწყების სიმარტივის შესახებ
  10. http://www.economy.ge/uploads/ek_ciprebshi/reitingebi/reitingebi_geo/DB_2014_geo.pdf ბიზნესის კეთების სიადვილე საქართველოს რეიტინგი 2014 წელი, მსოფლიო ბანკის დოკუმენტი.
  11. http://geurasia.org/geo/812/saqartvelo--msoflio-bankis-favoriti.html geurasia.org; "საქართველო - მსოფლიო ბანკის ფავორიტი, ნანა დევდარიანი.
  12. www.taoba.ge კომპიუტერის ცოდნის გამავრცელებელი საზოგადოების ოფიციალური ვებსაიტი
  13. http://www.parliament.ge/files/1090_17879_334401_e_signature.pdf საქართველოს პარლამენტი, ელექტრონული ხელმოწერა კითხვები და პასუხები
  14. http://psh.gov.ge/index.php?lang_id=GEO&sec_id=384 იუსტიციის სახლი, ID ბარათი
  15. http://sda.gov.ge/ka-GE/p/ სახელმწიფო სერვისების განვითარების სააგენტო, საზოგადოებრივი ცენტრების განვითარების პროექტი
  16. http://www.radiotavisupleba.ge/content/article/2014767.html რადიო თავისუფლება, „საქართველოში დაიწყო ბიომეტრული პასპორტების გაცემა“, ჯიმშერ რეხვიაშვილი, 15.04.2010.
  17. http://sda.gov.ge/ka-GE/Distance-Services/ სახელმწიფო სერვისების განვითარების სააგენტო - დისტანციური სერვისები.
  18. http://sda.gov.ge/ka-GE/positiveparent/ სახელმწიფო სერვისების განვითარების სააგენტო, პროექტი - პოზიტიური დედობა.
  19. http://www.justice.gov.ge/News/Detail?newsId=2964 საქართველოს იუსტიციის სამინისტრო, საჯარო რეესტრის წარმატებული რეფორმები, 24. 09. 2009.