მიხეილ მაჭავარიანი

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ მიხეილ მაჭავარიანი (მრავალმნიშვნელოვანი).
მიხეილ მაჭავარიანი
მიხეილ მაჭავარიანი
საქართველოს საგადასახადო შემოსავლების მინისტრი
თანამდებობაზე ყოფნის დრო
დეკემბერი 1999 – აგვისტო 2001
პრეზიდენტი  ედუარდ შევარდნაძე

დაბადებული9 იანვარი, 1968
თბილისი, საქართველოს სსრ–ის დროშა საქართველოს სსრ
საარჩევნი ოლქისამგორი
მოქალაქეობასაქართველო
ეროვნებაქართველი
პოლიტიკური პარტიაერთიანი ნაციონალური მოძრაობა
მეუღლესოფიო ჟღენტი
შვილებივარდენ მაჭავარიანი, ბარბარე მაჭავარიანი
პროფესიანიადაგმცოდნე-აგროქიმიკოსი
საქმიანობასაქართველოს პარლამენტის წევრი
რელიგიამართლმადიდებელი

მიხეილ ვარდენის ძე მაჭავარიანი (დ. 9 იანვარი, 1968, თბილისი) — ქართველი პოლიტიკოსი, საქართველოს პარლამენტის ხუთგზის (1995, 1999, 2003, 2008, 2012) წევრი.

ბიოგრაფია[რედაქტირება | წყაროს რედაქტირება]

1984 წელს დაამთავრა თბილისის პირველი საშუალო სკოლა. 1986 წელს გაწვეულ იქნა სამხედრო სავალდებულო სამსახურში. 1991 წელს წარჩინებით დაამთავრა საქართველოს სახელმწიფო აგრარული უნივერსიტეტის ნიადაგმცოდნეობის ფაკულტეტი. 1991-1995 წლებში მუშაობდა საქართველოს სახელმწიფო აგრარული უნივერსიტეტის ნიადაგმცოდნეობის კათედრაზე ლაბორანტად.

მაჭავარიანი იყო საქართველოს მოქალაქეთა კავშირის ახალგაზრდული კავშირის მთავარი მდივანი, შემდეგ — თავმჯდომარე. 1995 წელს ის აირჩიეს საქართველოს პარლამენტის წევრად. 1996 წლის ივნისიდან 1999 წლის დეკემბრამდე იყო მოქალაქეთა კავშირის გენერალური მდივანი.

1999 წელს კვლავ გახდა საქართველოს პარლამენტის წევრი. თუმცა პარლამენტი დატოვა 1999 წლის დეკემბერში, როცა დანიშნეს საქართველოს საგადასახადო შემოსავლების მინისტრად. ამ თანამდებობიდან გადადგა 2001 წლის აგვისტოში. 2001–2002 წლებში საქართველოს პარლამენტის თავმჯდომარის კაბინეტის უფროსი.

2003 წლის 2 ნოემბერს მაჭავარიანი აირჩიეს საქართველოს პარლამენტის წევრად როგორც სამგორის მაჟორიტარი დეპუტატი. 2004 წლის 23 აპრილს ის გახდა საქართველოს პარლამენტის თავმჯდომარის მოადგილე. 2008 წელს მაჭავარიანი კვლავ გახდა საქართველოს პარლამენტის წევრი ნაციონალური მოძრაობის სიით.

პირადი და ოჯახური ცხოვრება[რედაქტირება | წყაროს რედაქტირება]

  • გამოქვეყნებული აქვს 20-მდე სამეცნიერო ნაშრომი.
  • ფლობს ინგლისურ, რუსულ ენებს.
  • ჰყავს მეუღლე სოფიო ჟღენტი. შვილები ვარდენ მაჭავარიანი, დაბადებული 2001 წლის 31 აგვისტოს და ბარბარე მაჭავარიანი.
  • მშობლები: მამა — ვარდენ მაჭავარიანი, დედა — მარინე მდინარაძე

რესურსები ინტერნეტში[რედაქტირება | წყაროს რედაქტირება]