ზურაბ ნასარაია

ზურაბ ნასარაია
გურიის გუბერნატორი
თანამდებობაზე ყოფნის დრო
2018 – 9 თებერვალი, 2021
პრეზიდენტი	გიორგი მარგველაშვილი, სალომე ზურაბიშვილი
პრემიერ-მინისტრი	მამუკა ბახტაძე, გიორგი გახარია
წინამორბედი	მერაბ ჭანუყვაძე
მემკვიდრე	გიორგი სახოკია
დაბადებული	19 ოქტომბერი, 1973 (1973-10-19) ფოთი, საქართველოს სსრ, სსრკ
მოქალაქეობა	სსრკ →  საქართველო
ეროვნება	ქართველი
განათლება	თბილისის სახელმწიფო უნივერსიტეტი
პროფესია	ინჟინერ-ეკონომისტი
რელიგია	მართლმადიდებელი

ზურაბ ნასარაია (დ. 19 ოქტომბერი, 1973, ფოთი) — ქართველი ინჟინერ-ეკონომისტი, 2002-2004 წლებში საქართველოს პარლამენტის წევრი, გურიის მხარის გუბერნატორი 2018-2021 წლებში.

განათლება

1990-1995 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის საინჟინრო-ეკონომიკური ფაკულტეტზე, მართვა-მანქანათმშენებლობის სპეციალობით. სასწავლებლის დამთავრების შემდეგ მიენიჭა ინჟინერ-ეკონომისტის კვალიფიკაცია.

ბიოგრაფია

1990-1993 წლებში იყო ქალაქ ფოთის საქალაქო მეურნეობის სამსახურის ეკონომისტი. 1993-1995 წლებში ფოთის მერიის ეკონომიკური რეფორმების განყოფილების უფროსი სპეციალისტი. 1995-1996 წლებში ფოთის მალთაყვის უბნის მუნიციპალური ტერიტორიის კომიტეტის თავმჯდომარის მოადგილე. 1996-1997 წლებში ქ. ფოთის მერიის ეკონომიკური რეფორმების ცენტრის თავმჯდომარე. 1997 წელს ქალაქ ფოთის ადგილობრივი მმართველობის ერთიანი ეკონომიკური პოლიტიკის სამმართველოს უფროსი. 1997-1998 - 100% სახელმწიფო წილის მქონე სააქციო საზოგადოება „ფოთის გემსაშენის“ სამეთვალყურეო საბჭოს თავმჯდომარე. 1998-1999 წლებში ქალაქ ფოთის მერიის კანცელარიის უფროსი. 1999-2002 - ქ. ფოთის ადგილობრივი თვითმმართველობის (საკრებულო, მერია) აპარატის უფროსი. 2002 წელს ქალაქ ფოთის საკრებულოს წევრი. 2002-2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკიდან „საქართველოს მოქალაქეთა კავშირი“, ასევე საქართველოს პარლამენტის საგადასახადო შემოსავლებისა და საფინანსო-საბიუჯეტო კომიტეტების წევრი და საქართველოს პარლამენტის ანტიკორუფციული დროებითი საგამოძიებო კომისიის წევრი; 2004-2007 წლებში შპს „საქართველოს რკინიგზის“ შრომის, ხელფასისა და სტრუქტურული მოწყობის განყოფილების უფროსი. 2007-2008 წლებში შპს „საქართველოს რკინიგზის“ სამეურნეო უზრუნველყოფის სამსახურის უფროსი. 2008-2009 წლებში შპს „საქართველოს რკინიგზის“ დირექტორთა საბჭოს აპარატის უფროსის მოადგილე. 2009-2010 წლებში შპს „საქართველოს რკინიგზის“ შვილობილი კომპანიის შ.პ.ს. „ფროფერთი მენეჯმენტის“ გენერალური დირექტორი. 2010-2014 წლებში სს „საქართველოს რკინიგზის“ ოპერაციათა მართვის დეპარტამენტი, სამეურნეო უზრუნველყოფის სამსახურის უფროსი. 2014-2018 წლებში საქართველოს რკინიგზელთა პროფესიული კავშირის თავმჯდომარე. 2018 წლიდან სახელმწიფო რწმუნებულია გურიის მხარეში.

ორგანიზაციის წევრობა

• ფაზისის აკადემიის ნამდვილი წევრი

რესურსები ინტერნეტში

• ზურაბ ნასარაია — ბიბლიოვიკი
• ზურაბ ნასარაია — საქართველოს პარლამენტის ოფიციალური საიტი (მოძველებული / არქივი / ახალი არქივი)
• სახელმწიფო რწმუნებული-გუბერნატორი