ვაჟა ლორთქიფანიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
ვაჟა ლორთქიფანიძე
Flag of Georgia (1990–2004).svg
Flag of Georgia (1990–2004).svg
საქართველოს მე-2 სახელმწიფო მინისტრი
თანამდებობაზე ყოფნის დრო
31 ივლისი 1998 – 11 მაისი 2000
პრეზიდენტი  ედუარდ შევარდნაძე
წინამორბედინიკოლოზ ლეკიშვილი
მემკვიდრეგიორგი არსენიშვილი

დაბადებული29 ნოემბერი, 1949
თბილისი, საქართველოს სსრ, საბჭოთა კავშირი
მოქალაქეობაFlag of the Soviet Union.svg Flag of the Georgian Soviet Socialist Republic (1951–1990).svg საბჭოთა კავშირი
Flag of Georgia (1990–2004).svg Flag of Georgia.svg საქართველო
ეროვნებაFlag of Georgia.svg ქართველი
განათლებათბილისის სახელმწიფო უნივერსიტეტი

ვაჟა ლორთქიფანიძე (დ. 29 ნოემბერი, 1949, თბილისი) — ქართველი მეცნიერი, პედაგოგი, პოლიტოლოგი, სოციოლოგი, საქართველოს სახელმწიფო მინისტრი 1998–2000 წლებში, წმიდა ანდრია პირველწოდებულის სახელობის ქართული უნივერსიტეტის პროფესორი.

ბიოგრაფია[რედაქტირება | წყაროს რედაქტირება]

ვაჟა ლორთქიფანიძე დაიბადა 1949 წლის 29 ნოემბერს, თბილისში. 1973 წელს დაამთავრა თბილისის სახელმწიფო უნივერსიტეტის კიბერნეტიკის ფაკულტეტი, შემდეგ სწავლა განაგრძო ასპირანტურაში სოციოლოგიის მიმართულებით. 1972–1973 წლებში მუშაობდა თსუ გამოყენებითი მათემატიკის ინსტიტუტის მეცნიერ-თანამშრომლად. დაამთავრა მოსკოვის საზოგადოებრივ მეცნიერებათა აკადემია (ისტორია-პოლიტოლოგია).

1983–1990 წლებში იყო საქართველოს კომკავშირის ცკ-ის პირველი მდივანი, საქართველოს მინისტრთა საბჭოს თავმჯდომარის მოადგილე; 1991-1995 წლებში საქართველოს მეცნიერებათა აკადემიის დემოგრაფიისა და სოციოლოგიის ინსტიტუტის უფროსი მეცნიერ-თანამშრომელი; 1992-1995 წლებში იყო საქართველოს სახელმწიფოს მეთაური ადმინისტრაციის ხელმღძვანელი. 1995-1998 წლებში საქართველოს საგანგებო და სრულუფლებიანი ელჩი რუსეთში; 1998-2000 წლებში იყო საქართველოს სახელმწიფო მინისტრი (მთავრობის ხელმძღვანელი); 2001–2004 წლებში იყო საქართველოს პარლამენტის პოლიტიკური ფრაქციის „ქრისტიან დემოკრატები-ახალი აფხაზეთი“ თავმჯდომარე.

2000-2006 წლებში თბილისის სახელმწიფო უნივერსიტეტის დემოგრაფიის კათედრის დამაარსებელი და გამგე. 2014 წლიდან არის ივ.ჯავახიშვილის სახ. თსუ სრული პროფესორი, სამაგისტრო პროგრამის „დემოგრაფია და მოსახლეობის გეოგრაფია“ ავტორი და ხელმძღვანელი. 2010 წლიდან არის საპატრიარქოს უნივერსიტეტის პროფესორი, საბაკალავრო პროგრამის — „დემოგრაფია, სოციოლოგია“ ავტორი და ხელმძღვანელი. თბილისის სხვადასხვა უნივერსიტეტებში კითხულობს ლექციათა კურსებს დემოგრაფიაში, სოციოლოგიასა და პოლიტოლოგიაში. 1999 წლიდან სამეცნიერო ჟურნალის „დემოგრაფია“ დამაარსებელი; 2000 წლიდან თეორიული ჟურნალის „ქრისტიან-დემოკრატია“ ერთ-ერთი დამაარსებელი და გამომცემელი; 2003 წლიდან აღმოსავლეთ-დასავლეთის ურთიერთობათა კვლევის საერთაშორისო ცენტრის ერთ-ერთი დამფუძნებელი და პრეზიდენტი. არის 70-ზე მეტი სამეცნიერო ნაშრომის ავტორი, მათ შორის 6 მონოგრაფიის.

სადოქტორო დისერტაცია დაიცვა 1998 წელს. თემა — „ისტორიული მესხეთის დემოგრაფიული განვითარების პრობლემები საქართველოში“.

ორგანიზაციები და ასოციაციები[რედაქტირება | წყაროს რედაქტირება]

  • აფხაზეთის მეცნიერებათა აკადემია, წევრი (2002)
  • აღმოსავლეთ-დასავლეთის ურთიერთობათა კვლევის საერთაშორისო ცენტრი, ერთ-ერთი დამფუძნებელი და პრეზიდენტი (2003)
  • თბილისის სახელმწიფო უნივერსიტეტის სამეურვეო საბჭო, თავმჯდომარე (2003-2005)
  • პოლიტიკური ორგანიზაცია "საქართველოს ქრისტიან-დემოკრატიული კავშირი", თავმჯდომარე (2002)
  • რუსეთის საბუნებისმეტყველო მეცნიერებათა აკადემია, წევრი (2006)
  • საქართველოს დემოგრაფთა ასოციაცია, დამაარსებელი და პრეზიდენტი (1998)
  • საქართველოს ეკონომიკურ მეცნიერებათა აკადემია, წევრი (1999)
  • საქართველოს მე-4 და მე-5 მოწვევის პარლამენტი, წევრი (1995-2003)
  • საქართველოს სპეციალური ოლიმპიური კომიტეტი, პრეზიდენტი (2001)[1]

ლიტერატურა[რედაქტირება | წყაროს რედაქტირება]

  • ქართული ბიოგრაფიული ცნობარი, თბ., 1998-1999, გვ. 202.

სქოლიო[რედაქტირება | წყაროს რედაქტირება]