სოფო კილაძე

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან სოფიო კილაძე)
სოფო კილაძე
დაბადების თარიღი 16 იანვარი, 1984 (1984-01-16) (40 წლის)
დაბადების ადგილი ქუთაისი, საქართველოს სსრ, სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება ჰაიდელბერგის რუპრეხტ კარლს-უნივერსიტეტი
ეროვნება ქართველი
პარტია „ქართული ოცნება“
საქმიანობა პოლიტიკოსი, იურისტი, გაეროს ბავშვის უფლებათა კომიტეტის წევრი
ჯილდოები ღირსების მედალი

სოფიო (სოფო) კილაძე (დ. 16 იანვარი, 1984, ქუთაისი) — ქართველი იურისტი, პოლიტიკოსი.

ბიოგრაფია[რედაქტირება | წყაროს რედაქტირება]

დაიბადა ქალაქ ქუთაისში. დაამთავრა ქუთაისის იოსებ ოცხელის სახელობის გიმნაზია.

2003–2011 წლებში ცხოვრობდა გერმანიაში, სადაც დაამთავრა ჰაიდელბერგის რუპრეხტ კარლს-უნივერსიტეტის იურიდიული ფაკულტეტი; 2008–2011 წლებში მუშაობდა ჰაიდელბერგის მაქს-პლანკის საერთაშორისო საჯარო სამართლისა და შედარებითი სამართლის ინსტიტუტში საერთაშორისო სამართლის ენციკლოპედიის პროექტზე; ამ პერიოდში ერთი წელი იმუშავა იმავე ქალაქის საადვოკატო ბიუროში Bau, Becky & Collegen; 2011 წელს დაბრუნდა საქართველოში და დაიწყო პედაგოგიური საქმიანობა; 2011–2013 წლებში კითხულობდა ლექციებს სამაგისტრო პროგრამაზე LLM zu Köln; 2012 წლიდან კითხულობს ლექციებს გრიგოლ რობაქიძის სახელობის უნივერსიტეტში; 2012–2014 წლებში შინაგან საქმეთა სამინისტროს საერთაშორისო თანამშრომლობის სამმართველოს უფროსი; 2014-2016 წლებში იყო შსს აკადემიის პრორექტორი.

2016–2020 წლებში იყო საქართველოს IX მოწვევის პარლამენტის წევრი (მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.

2021-2025 წლებისთვის არჩეულია გაეროს ბავშვის უფლებათა კომიტეტის წევრად,[1] არის კომიტეტისა და საერთაშორისო საპარლამენტთაშორისო კავშირის (IPU) ოფიციალური საკონტაქტო პირი.[2] 2023 წლიდან არჩეულ იქნა ამავე კომიტეტის ვიცე-პრეზიდენტად.[3]

2023-2028 წლებისთვის არჩეულია რასიზმის და შეუწყნარებლობის წინააღმდეგ ევროსაბჭოს კომისიის წევრად.[4]

არის არაერთი საკანონმდებლო პროექტის ავტორი და ინიციატორი. მათ შორის: მისი ავტორობით და ხელმძღვანელობის ქვეშ UNICEF საქართველოსთან თანამშრომლობით საქართველოს პარლამენტმა მიიღო ბავშვის უფლებათა კოდექსი, რომელიც „ერთიანი სახელმწიფო პოლიტიკის ამსახველი დოკუმენტია, რომელიც  ბავშვთა კეთილდღეობის უზრუნველსაყოფად საჭირო კონკრეტულ, ეფექტურ მექანიზმებს მოიცავს“.[5] ასევე, მისი ავტორობით და სამხრეთ კავკასიაში ფრიდრიხ-ებერტის ფონდთან თანამშრომლობით საქართველოს პარლამენტმა მიიღო საქართველოს კანონი სოციალური მუშაობის შესახებ.[6]

2015 წლიდან „საზოგადოება 2030“-ის წევრი და ანალიტიკოსი. 2015 წელს დაჯილდოვდა საქართველოს პრეზიდენტის ღირსების მედლით.

ბიბლიოგრაფია[რედაქტირება | წყაროს რედაქტირება]

  • Kiladze, S. (30 ივნისი, 2022). „Effectivity of Public International Law: A Need for Paradigm Change“. Torun International Studies. 1 (15): 5–23. doi:10.12775/TIS.2022.001. შეამოწმეთ თარიღის პარამეტრი |date=-ში (დახმარება)
  • Kiladze, S. (2014). „Fallloesung im Jurastudium'“. Internationale Tagung Fachsprache 2012: 44–50.
  • ბერაია ი., გიორგიშვილი ქ., იზორია ლ., კილაძე ს., მუზაშვილი დ., საპოლიციო სამართალი, თბ.: პოლიციის აკადემია, 2015.
  • კილაძე ს., ფირცხალაშვილი ა., სოციალური მუშაობის სამართლის სახელმძღვანელო, თბ.: ფრიდრიხ-ებერტის ფონდი, 2018.
  • კილაძე ს., ტურავა პ., ბავშვის უფლებათა კოდექსის კომენტარები, თბ.: იურისტები სამყარო, 2021.
  • კილაძე, ს. (2021). „ბავშვის უფლებების რეალიზაცია მუნიციპალიტეტებში: ბავშვის უფლებათა კოდექსის მიხედვით“. აკადემიური მაცნე: 60–80.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. „UN-Kinderrechtsausschuss: Mitglieder für 2021 – 2025 gewählt!“. Netzwerk Kinderrechte (გერმანული). ციტირების თარიღი: 30 იანვარი, 2024. შეამოწმეთ თარიღის პარამეტრი |access-date=-ში (დახმარება)
  2. „IPU and UN mobilize parliaments to support children’s rights“. Inter-Parliamentary Union (ინგლისური). 2022-11-15. ციტირების თარიღი: 30 იანვარი, 2024. შეამოწმეთ თარიღის პარამეტრი |access-date=-ში (დახმარება)
  3. „Ann Marie Skelton elected Chair of the UN Committee on the Rights of the Child“. End Violence Against Children (ინგლისური). ციტირების თარიღი: 30 იანვარი, 2024. შეამოწმეთ თარიღის პარამეტრი |access-date=-ში (დახმარება)
  4. Members of the European Commission against Racism and Intolerance - European Commission against Racism and Intolerance (ECRI) - www.coe.int. ციტირების თარიღი: 30 იანვარი, 2024
  5. ბავშვთა უფლებათა კოდექსი - მნიშვნელოვანი ეტაპი საქართველოში მცხოვრები ყველა ბავშვისთვის ka. UNICEF Georgia. ციტირების თარიღი: 30 იანვარი, 2024
  6. ბოგვერაძე, მარიამ (20 დეკემბერი, 2017). „რას ითვალისწინებს კანონპროექტი სოციალური მუშაობის შესახებ“. netgazeti.ge. ციტირების თარიღი: 30 იანვარი, 2024. შეამოწმეთ თარიღის პარამეტრი |access-date= და |date=-ში (დახმარება)