თამაზ კვაჭანტირაძე

თამაზ კვაჭანტირაძე
დაბადების თარიღი	7 ივნისი, 1940(1940-06-07)
დაბადების ადგილი	თბილისი, საქართველოს სსრ, სსრკ
გარდაცვალების თარიღი	15 აგვისტო, 2021(2021-08-15) (81 წლის)
მოქალაქეობა	სსრკ  საქართველო
განათლება	თბილისის სახელმწიფო უნივერსიტეტი
სამეცნიერო ხარისხი	ფილოლოგიის მეცნიერებათა კანდიდატი
ჯილდოები	ღირსების ორდენი, საქართველოს სახელმწიფო პრემია და რუსთაველის პრემია

თამაზ კვაჭანტირაძე (დ. 7 ივნისი, 1940, თბილისი, — გ. 15 აგვისტო, 2021) — ქართველი მეცნიერი, პოლიტიკოსი, ფილოლოგი.

1963 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1963-2006 წლებში იყო ახალი ქართული ენის კათედრის თანამშრომელი. 1978-1990 წლებში ჟურნალის — „ქართული ენა და ლიტერატურა სკოლაში“ („ბალავარი“) რედაქტორი; 1975-1990 წლებში ავტორი და წამყვანი საავტორო ტელეციკლისა „ტელეციკლი ქართულ ენასა და ლიტერატურაში“, 2002-2004 წლებში „მოგზაურობა სასიტყვეთში“; 1993-1998 წლებში საქართველოს რესპუბლიკის განათლების მინისტრი. 2000-2008 წლებში საქართველოს პარლამენტის სასწავლო ცენტრის უფროსი. 2008-2012 წლებში იყო საქართველოს მე-7 მოწვევის პარლამენტის წევრი (თბილისის ვაკის მაჟორიტარი), საარჩევნო ბლოკი: „გიორგი თარგამაძე — ქრისტიან-დემოკრატები“.

ავტორი წიგნებისა: „მსგავსებითი შედარება ქართულში“ (1977), „ჰა ბურთი, ჰა მოედანი“ (2002), „მოგზაურობა სასიტყვეთში“ (2002).

საკანდიდატო დისერტაციის თემა — „მსგავსებითი შედარება ქართულში“, დაიცვა 1978 წელს.გარდაიცვალა 2021წელს.

ორგანიზაციის, ასოციაციის ან ჯგუფის წევრი

• საქართველოს მე-7 მოწვევის პარლამენტი, წევრი (2008-2012)
• საქართველოს მე-7 მოწვევის პარლამენტის განათლებისა და კულტურის კომიტეტი, თავმჯდომარის მოადგილე (2008-2012)
• საქართველოს მე-7 მოწვევის პარლამენტის ფრაქცია „ქრისტიან–დემოკრატები“, წევრი (2008-2012)
• საქართველოს მწერალთა ეროვნული კავშირი, წევრი (1977-)
• საქართველოს ჟურნალისტთა კავშირი, წევრი (1980-)

ჯილდოები, პრემიები და პრიზები

• 2000: ღირსების ორდენი
• 2004: საქართველოს სახელმწიფო პრემია
• 2011: შოთა რუსთაველის სახელობის სახელმწიფო პრემია

რესურსები ინტერნეტში

• თამაზ კვაჭანტირაძე — საქართველოს ბიოგრაფიული ლექსიკონი
• თამაზ კვაჭანტირაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)