ნიკა მელია

მასალა ვიკიპედიიდან — თავისუფალი ენციკლოპედია
Jump to navigation Jump to search
ნიკა (ნიკანორ) მელია
ნიკა (ნიკანორ) მელია
ერთიანი ნაციონალური მოძრაობის თავმჯდომარე
ამჟამინდელი თანამდებობა
დაიკავა27 დეკემბერი, 2020
წინამორბედიგრიგოლ ვაშაძე


თანამდებობაზე ყოფნის დრო
18 ნოემბერი, 2016 – 12 დეკემბერი, 2019

თანამდებობაზე ყოფნის დრო
2013 – 2014

დაბადებული21 დეკემბერი, 1979 (1979-12-21) (41 წლის)
მოქალაქეობასაბჭოთა კავშირის დროშა სსრკ
საქართველოს დროშა საქართველო
პოლიტიკური პარტიაერთიანი ნაციონალური მოძრაობა
განათლებასაქართველოს სახელმწიფო უშიშროების სამინისტროს აკადემია
საქმიანობაიურისტი, პოლიტიკოსი

ნიკანორ (ნიკა) მელია (დ. 21 დეკემბერი, 1979) — ქართველი პოლიტიკოსი და იურისტი. საქართველოს მე-9 და მე-10 მოწვევის პარლამენტის წევრი.

ბიოგრაფია[რედაქტირება | წყაროს რედაქტირება]

ნიკანორ მელია დაიბადა 1979 წლის 21 დეკემბერს. 2002 წელს დაამთავრა საქართველოს სახელმწიფო უშიშროების სამინისტროს აკადემიის სამართალმცოდნეობის ფაკულტეტი.

2002-2003 წლებში იგი იყო საქართველოს უშიშროების სამინისტროს გამომძიებელი. 2007 წელს მუშაობდა საქართველოს ეროვნული უშიშროების საბჭოს აპარატის თავდაცვისა და მართლწესრიგის დეპარტამენტში მრჩევლად. 2008-2009 წლებში მუშაობდა ეროვნულ აღსრულების ბიუროში უფროსის მოადგილედ. 2009-2010 წლებში იყო ეროვნული აღსრულების ბიუროს უფროსი. 2010 წელს იგი იყო საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მმართველობის სფეროში შემავალი საჯარო სამართლის იურიდიული პირის არასაპატიმრო სასჯელთა აღსრულებისა და პრობაციის ეროვნული სააგენტოს უფროსი. 2010 წელს დაინიშნა აღსრულების ეროვნული ბიუროს თბილისის სააღსრულებლო ბიუროს უფროსად, 2010-2012 წლებში კი ამავე ბიუროს თავმჯდომარედ; 2013-2014 წლებში იყო მთაწმინდის გამგებელი. 2014 წელს იყო თბილისის მერობის კანდიდატი. 2015 წლიდან არის „ერთიანი ნაციონალური მოძრაობის“ თბილისის საქალაქო ორგანიზაციის თავმჯდომარის მოადგილე და თავმჯდომარის მოვალეობის შემსრულებელი. 2016-2019 წლებში იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“. პარლამენტში ყოფნის პერიოდში იყო ოთხი საპარლამენტო კომიტეტის წევრი. 2016-2017 წლებში იყო საფინანსო-საბიუჯეტო კომიტეტის წევრი. 2016 წლის 18-დან 25 ნოემბრამდე იყო საპროცედურო საკითხთა და წესების კომიტეტის წევრი. 2017-2019 წლებში იყო თავდაცვისა და უშიშროების კომიტეტის წევრი. 2017-2018 წლებში იყო ჯანმრთელობის დაცვისა და სოციალურ საკითხთა კომიტეტის წევრი. 2016-2017 წლებში იყო საპარლამენტო ფრაქცია „ერთიანი ნაციონალური მოძრაობის“ თავმჯდომარე. 2019 წლის 25 ივნისს საქართველოს გენერალურმა პროკურატურამ მის წინააღმდეგ სისხლის სამართლის საქმე აღძრა ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით.[1][2][3] 26 ივნისს პარლამენტმა საგანგებო სესიაზე, რომელსაც „ერთიანი ნაციონალური მოძრაობისა“ და „ევროპული საქართველოს“ წევრებმა ბოიკოტი გამოუცხადეს, მელიას სადეპუტატო იმუნიტეტი მოუხსნა, თუმცა სასამართლომ ის დარბაზიდან 30 000-ლარიანი გირაოს სანაცვლოდ გაათავისუფლა.[4] 2019 წლის 12 ნოემბერს პარლამენტარის უფლებამოსილობა შეუჩერდა, 88 დეპუტატმა მხარი დაუჭირა უფლებამოსილების შეჩერებას. [5]

2020 წლის საპარლამენტო არჩევნებზე „ერთიანმა ნაციონალურმა მოძრაობამ“ და გაერთიანებულმა ოპოზიციამ „ძალა ერთობაშია“ გლდანის საარჩევნო ოლქის მაჟორიტარობის კანდიდატად წარადგინა.[6] პირველ ტურში მიიღო 31 391 ხმა (44,06%) და დაიკავა პირველი ადგილი. მეორე ტურში მონაწილეობაზე მელიამ უარი განაცხადა (მთლიანად ოპოზიციასთან ერთად, გაყალბებული არჩევნების მოტივით), მიუხედავად ამისა მისი გვარი დატანილი იყო საარჩევნო ბიულეტენზე. მან მეორე ტურში 3032 (10,64%) მიიღო.[7] ოფიციალურად 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გაერთიანებული ოპოზიცია „ძალა ერთობაშია“.[8]

მელია არის პარტია „ერთიანი ნაციონალური მოძრაობის“ პოლიტიკური საბჭოს თავმჯდომარე.[9] 2020 წლის 27 დეკემბერს აირჩიეს პარტიის თავმჯდომარედ.[10]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ნიკა მელიას ბრალი წაუყენეს. Imedinews (25 ივნისი, 2019). ციტირების თარიღი: 1 ივლისი,2019.
  2. https://calrev.org/2019/07/25/russian-impiety-georgian-riots/?v=7516fd43adaa
  3. https://www.rferl.org/amp/georgian-parliament-strips-opposition-lawmaker-of-immunity-over-violent-protests/30022091.html
  4. პარლამენტმა მელიას იმუნიტეტი მოუხსნა. Primetime (26 ივნისი, 2019). ციტირების თარიღი: 1 ივლისი,2019.[მკვდარი ბმული]
  5. ნიკა მელიას დეპუტატის მანდატი შეუჩერდა
  6. „ნაციონალურმა მოძრაობამ“ მაჟორიტარობის კანდიდატები წარადგინა. მთავარი არხი. mtavari.tv (2020-09-23). ციტირების თარიღი: 24 სექტემბერი, 2020.
  7. მეორე ტურის შედეგები
  8. ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). ციტირების თარიღი: 19 დეკემბერი, 2020.
  9. „ერთიანი ნაციონალური მოძრაობის“ პოლიტიკური საბჭო
  10. „„ნაციონალური მოძრაობის“ თავმჯდომარედ ნიკა მელია ოფიციალურად აირჩიეს“. netgazeti.ge. 2020-12-27. ციტირების თარიღი: 27 დეკემბერი, 2020. შეამოწმეთ თარიღის პარამეტრი |access-date=-ში (დახმარება)