შინაარსზე გადასვლა

დავით ზურაბიშვილი

მასალა ვიკიპედიიდან — თავისუფალი ენციკლოპედია
დავით ზურაბიშვილი
დაბადების თარიღი 16 მარტი, 1957 (1957-03-16) (69 წლის)
თბილისი, საქართველოს სსრ, სსრკ
ეროვნება ქართველი
მოქალაქეობა საბჭოთა კავშირის დროშა საბჭოთა კავშირი →
საქართველოს დროშა საქართველო
განათლება თბილისის სახელმწიფო უნივერსიტეტი
საქმიანობა ეკონომისტი, მწერალი, პოლიტიკოსი
მეუღლე(ები) ხათუნა კოპალეიშვილი
შვილ(ებ)ი გიორგი, ანასტასია

დავით ზურაბიშვილი (დ. 16 მარტი, 1957, თბილისი) — ქართველი ეკონომისტი, მწერალი და პოლიტიკოსი. საქართველოს რესპუბლიკური პარტიის წევრი.

1976 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი. 1979-1981 წლებში მუშაობდა საქართველოს მეცნიერებათა აკადემიის ეკონომიკისა და სამართლის ინსტიტუტის უმცროს მეცნიერ-თანამშრომელად. 1981-1990 წლებში — მწერალთა კავშირის მხატვრული თარგმნისა და ლიტერატურულ ურთიერთობათა მთავარი სარედაქციო კოლეგიის რედაქტორად, უფროს მეცნიერ-რედაქტორად 1992-1994 წლებში. 1990-1991 წლებში იყო გამომცემლობა „იანუსის“ რედაქტორი, 1995-1996 წლებში — გაზეთ „არგუმენტის“ რედაქტორი, 1996-1997 წლებში — მშვიდობის, დემოკრატიისა და განვითარების კავკასიური ინსტიტუტის ბიულეტენ Georgia Profile-ის რედაქტორი, 1997-2004 წლებში — თავისუფლების ინსტიტუტის გამგეობის წევრი.

2004–2008 წლებში იყო საქართველოს მე-6 მოწვევის პარლამენტის წევრი პარტიული სიით, საარჩევნო ბლოკი: „ნაციონალური მოძრაობა - დემოკრატები “. 2004–2005 წლებში იყო უპარტიო ფრაქცია „ნაციონალური მოძრაობა – დემოკრატების“ თავმჯდომარის მოადგილე და განათლების, მეცნიერების, კულტურისა და სპორტის კომიტეტის წევრი, პარლამენტის ბიუროს წევრი. 2005–2008 წლებში — ფრაქცია „დემოკრატიული ფრონტის“ წევრი და თავმჯდომარის მოადგილე. 2012–2013 წლებში — საქართველოს განათლებისა და მეცნიერების სამინისტროს მინისტრის მოადგილე.

პოლიტიკის, ეკონომიკისა და ლიტერატურის შესახებ არსებული სტატიების ავტორი.

  • მოგზაურობა სიზმარეთში, ანუ გიორგისა და ანასტასიას არაჩვეულებრივი თავგადასავალი, თბ., 1997

რესურსები ინტერნეტში

[რედაქტირება | წყაროს რედაქტირება]