ლერი ხაბელოვი

ლერი ხაბელოვი

პირადი ინფორმაცია
ეროვნება	ქართველი
დაბ. თარიღი	5 ივლისი, 1964
დაბ. ადგილი	თბილისი, საქართველოს სსრ, სსრკ
სპორტი
ქვეყანა	სსრკ
სპორტი	თავისუფალი ჭიდაობა
ჯილდოები
მედლები ოლიმპიური თამაშები ვერცხლი სეული 1988 . ოქრო ბარსელონა 1992 .

ლერი ხაბელოვი (დ. 5 ივლისი, 1964, თბილისი) — ქართველი მოჭიდავე, ოლიმპიური ჩემპიონი (1992).

ბიოგრაფია

1985 წელს დაამთავრა საქართველოს სახელმწიფო ფიზიკური კულტურის ინსტიტუტი, ხოლო 2000 წელს თბილისის სახელმწიფო უნივერსიტეტი. ხაბელოვი არის თავისუფალი სტილით მოჭიდავეებს შორის მსოფლიოს ხუთგზის (1985, 1987, 1990, 1991, 1993) ჩემპიონი და ევროპის ოთხგზის (1985, 1987, 1988, 1992) ჩემპიონი. ლერი ხაბელოვი 1988 წელს ოლიმპიადის ვერცხლის პრიზიორი გახდა, 1992 წელს კი — ოლიმპიური ჩემპიონი.

ხაბელოვი იყო საქართველოს ეროვნული ოლიმპიური კომიტეტის ვიცე-პრეზიდენტი, 1998–2004 წლებში — სპორტის სახელმწიფო დეპარტამენტის უფროსის პირველი მოადგილე, ხოლო 2004-2008 წლებში ოლიმპიური კომიტეტის პირველი ვიცე-პრეზიდენტი. 2012 წელს ლერი ხაბელოვი კოალიცია „ქართულმა ოცნებამ“ წარადგინა ქარელის ოლქის მაჟორიტარობის კანდიდატად.

დაოჯახებულია, ჰყავს 5 შვილი. არის ვახტანგ გორგასლის მე-2 ხარისხის ორდენისა და ღირსების ორდენის კავალერი.

ძირითადი შედეგები

წელი	ტურნირი	მასპინძელი	წონითი კატეგორია	ადგილი
1985	ევროპის ჩემპიონატი	ლაიფციგი, გდრ	-100 კგ	01 
1985	მსოფლიო ჩემპიონატი	ბუდაპეშტი, უნგრეთი	-100 კგ	01 
1987	ევროპის ჩემპიონატი	ველიკო-ტირნოვო, ბულგარეთი	-100 კგ	01 
1987	მსოფლიო ჩემპიონატი	კლერმონ-ფერანი, საფრანგეთი	-100 კგ	01 
1988	ევროპის ჩემპიონატი	მანჩესტერი, დიდი ბრიტანეთი	-100 კგ	01 
1988	ზაფხულის XXIV ოლიმპიური თამაშები	სეული, კორეა	-100 კგ	02 
1990	მსოფლიო ჩემპიონატი	ტოკიო, იაპონია	-100 კგ	01 
1991	მსოფლიო ჩემპიონატი	ვარნა, ბულგარეთი	-100 კგ	01 
1992	ევროპის ჩემპიონატი	კაპოშვარი, უნგრეთი	-100 კგ	01 
1992	ზაფხულის XXV ოლიმპიური თამაშები	ბარსელონა, ესპანეთი	-100 კგ	01 

რესურსები ინტერნეტში

• ლერი ხაბელოვი — საქართველოს ბიოგრაფიული ლექსიკონი
• ლერი ხაბელოვი — საქართველოს პარლამენტის ოფიციალური საიტი
• ლერი ხაბელოვი — ქართული სპორტის სტატისტიკა