ზურაბ ჯაფარიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
ზურაბ გირჩი ჯაფარიძე
ზურაბ ჯაფარიძე.jpg
დაბადების თარიღი 1 იანვარი, 1976 (1976-01-01) (44 წლის)
დაბადების ადგილი თბილისი
მოქალაქეობა საქართველო
განათლება თბილისის სამედიცინო ინსტიტუტი, საქართველოს საზოგადოებრივ საქმეთა ინსტიტუტი, ჯორჯ ვაშინგტონის უნივერსიტეტის ბიზნეს სკოლა
ეროვნება ქართველი
პარტია ახალი პოლიტიკური ცენტრი — გირჩი

ზურაბ გირჩი ჯაფარიძე (დ. 1 იანვარი, 1976, თბილისი) — ქართველი პოლიტიკოსი. ახალი პოლიტიკური ცენტრი — გირჩის დამფუძნებელი. საქართველოს მერვე მოწვევის პარლამენტის დეპუტატი 2012-2016 წლებში. 1999 წელს დაამთავრა თბილისის სამედიცინო ინსტიტუტი ზოგადი პროფილის ექიმის სპეციალობით, 2005 წელს დაამთავრა საქართველოს საზოგადოებრივ საქმეთა ინსტიტუტი (სახელმწიფო მმართველობა) და შემდეგ ჯორჯ ვაშინგტონის უნივერსიტეტის ბიზნეს სკოლა. 2005-2011 წლებში ლექციებს კითხულობდა საქართველოს საზოგადოებრივ საქმეთა ინსტიტუტში. ასევე თბილისის თავისუფალ უნივერსიტეტში. ამჟამად ასწავლის საქართველოს უნივერსიტეტში მიწვეული ლექტორის სტატუსით. 2012-2015 წლებში იყო „ერთიანი ნაციონალური მოძრაობის“ წევრი და საქართველოს მერვე მოწვევის პარლამენტის დეპუტატი. 2013 წელს „ერთიანი ნაციონალური მოძრაობა“ მას საპრეზიდენტო არჩევნებში თავის კანტიდატად განიხილავდა, მაგრამ პარტიამ საბოლოოდ მხარი დავით ბაქრაძეს დაუჭირა. პარტიის დატოვებამდე იყო მისი აღმასრულებელი მდივანი. 2015 წლის მაისში პავლე კუბლაშვილთან, გიორგი ხაჩიძესთან და გიორგი მელაძესთან ერთად დატოვა „ნაციონალური მოძრაობა“ და ჩამოაყალიბდა ახალი პოლიტიკური პარტია „გირჩი“. 2020 წლის საპარლამენტო არჩევნებში კენჭს იყრის დიდუბე-ჩუღურეთის მაჟორიტარულ ოლქში, გაერთიანებული ოპოზიციის, „ძალა ერთობაშიას“ სახელით.

გირჩი[რედაქტირება | წყაროს რედაქტირება]

„გირჩის“ ოფისში დარგული მარიხუანა

2016 წელს დააფუძნა პოლიტიკური პარტია „გირჩი“, პარტია იყო საქართველოში მარიხუანის ლეგალიზაციის მთავარი ინიციატორი, ამის ნიშნად მათ პარტიის ოფისში დარგეს მარიხუანა. არის „გირჩის“ პოლიტიკური საბჭოს წევრი.

2018 წლის საპრეზიდენტო არჩევნები[რედაქტირება | წყაროს რედაქტირება]

ზურაბ ჯაფარიძე 2020 წელს

2018 წლის 16 აპრილს, ზურაბ ჯაფარიძემ დაადასტურა, რომ 2018 წლის საპრეზიდენტო არჩევნებში „გირჩის“ კანდიდატი იქნებოდა.[1][2] 2018 წლის საპრეზიდენტო არჩევნებზე ჯაფარიძემ პორნო-საიტ Pornhub-ზე საკუთარი საარჩევნო ბანერები განათავსა. მომხმარებლებს საიტზე ამ წარწერებით ორი ბანერი ხვდებოდა: „მეტი სექსი, მეტი თავისუფლება“ და „მე არ გპირდებით ზომის გაზრდას“. გირჩი საიტზე საკუთარი რეკლამის განთავსების მიზეზად მცირე ბიუჯეტის ეფექტურად ხარჯვას ასახელებს. [3]

მან არჩევნებში 36 034 (2,26%) ხმა მიიღო. მეორე ტურში მან მხარი არცერთ კანდიდატს არ დაუჭირა.

პოლიტიკური ხედვები[რედაქტირება | წყაროს რედაქტირება]

ზურაბ გირჩი ჯაფარიძე ლიბერტარიანელია და პრო-დასავლური ხედვები აქვს. ის ემხრობა საქართველოს ინტეგრაციას ნატოსა და ევროკავშირში. ჯაფარიძე აქტიურად იბრძვის დაბალი გადასახადებისთვისა და „მცირე მთავრობის“ იდეისათვის. ის ემხრობა ქვეყანაში მარიხუანის ლეგალიზაციას. ჯაფარიძე ემხრობა მთავრობის დეცენტრალიზაციის იდეას. ჯაფარიძე თვლის, რომ ადამიანს აქვს უფლება „უქნას თავის სხეულს ის რაც უნდა“, ანუ ადამიანი არ უნდა იქნას დაკავებული ნარკოტიკის ან და მარიხუანის მოხმარების გამო.

პირადი ცხოვრება[რედაქტირება | წყაროს რედაქტირება]

ჰყავს მეუღლე ნატა ქორიძე და ორი შვილი: ალექსანდრე რაზმაძე (დ. 2003) და ეკატერინე ჯაფარიძე (დ. 2013).

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

Wikiquote-logo-ka.png
ვიკიციტატაში არის გვერდი თემაზე:

სქოლიო[რედაქტირება | წყაროს რედაქტირება]