არჩილ თალაკვაძე
| არჩილ თალაკვაძე | ||
 | ||
| საქართველოს პარლამენტის თავმჯდომარე | ||
|---|---|---|
| ამჟამინდელი თანამდებობა | ||
| დაიკავა | 25 ივნისი, 2019 | |
| პრეზიდენტი | სალომე ზურაბიშვილი | |
| პრემიერ-მინისტრი | მამუკა ბახტაძე, გიორგი გახარია | |
| წინამორბედი | ირაკლი კობახიძე | |
| თანამდებობაზე ყოფნის დრო | ||
| 18 ნოემბერი, 2016 – 25 ივნისი, 2019 | ||
| პრეზიდენტი | გიორგი მარგველაშვილი, სალომე ზურაბიშვილი | |
| პრემიერ-მინისტრი | გიორგი კვირიკაშვილი, მამუკა ბახტაძე | |
| დაბადებული | 16 იანვარი, 1983 ოზურგეთი, საქართველოს სსრ | |
| მოქალაქეობა | საქართველო | |
| ეროვნება | ქართველი | |
| პოლიტიკური პარტია | ქართული ოცნება — დემოკრატიული საქართველო | |
| მეუღლე | ქეთევან ბუბუტეიშვილი | |
არჩილ თალაკვაძე (დ. 16 იანვარი, 1983, მახარაძე, საქართველოს სსრ) — ქართველი პოლიტიკოსი. საქართველოს პარლამენტის წევრი (ქართული ოცნება — დემოკრატიული საქართველო) და საპარლამენტო უმრავლესობის ლიდერი 2016-2019 წლებში, საქართველოს პარლამენტის თავმჯდომარე 2019 წლის 25 ივნისიდან.[1]
განათლება[რედაქტირება | წყაროს რედაქტირება]
დაიბადა ოზურგეთში, სადაც დაამთავრა ოზურგეთის №1 საშუალო სკოლა. 2006 წელს დაამთავრა თბილისის სახელმწიფო სამედიცინო უნივერსიტეტი, სპეციალობით საზოგადოებრივი ჯანდაცვა და მენეჯმენტი, რის შემდეგადაც სწავლა გააგრძელა საქართველოს საზოგადოებრივ საქმეთა ინსტიტუტში (GIPA). 2015 წელს ჩააბარა ლონდონის ეკონომიკის სკოლაში აღმასრულებელი მენეჯმენტის პროგრამით.
კარიერა[რედაქტირება | წყაროს რედაქტირება]
არჩილ თალაკვაძე სხვადასხვა დროს იკავებდა შემდეგ თანამდებობებს: 2006 — 2007 წლებში იყო USAID-ის პროექტის კოორდინატორი; 2007 — 2008 წლებში სახალხო დამცველის ოფისის პროექტის მენეჯერი; 2008 — 2009 წლებში სახალხო დამცველის აპარატის მრჩეველი; 2010 წელს სახალხო დამცველის ოფისის მრჩეველი მენეჯმენტის საკითხებში; 2011 — 2012 წლებში USAID-ის პროგრამა G3 დირექტორის მოადგილე; 2012 — 2014 წლებში სასჯელაღსრულების მინისტრის მოადგილე; 2014 — 2016 საქართველოს შინაგან საქმეთა მინისტრის მოადგილე.
2016 წელს „ქართული ოცნების“ პარტიის წევრი არჩილ თალაკვაძე პარლამენტში ოზურგეთის მაჟორიტარული ოლქიდან აირჩიეს. თალაკვაძე ხელმძღვანელობდა საპარლამენტო უმრავლესობის ინიციატივებს სიღარიბის დაძლევის, საგადასახადო რეფორმის, გარემოს დაცვისა და ემისიების კონტროლის შესახებ. თალაკვაძე 2017 წლის თბილისის მერის არჩევნებში კახა კალაძეს საარჩევნო კამპანიის მენეჯერად მუშაობდა. მას შემდეგ, რაც საქართველოს პარლამენტის თავმჯდომარის პოსტიდან ირაკლი კობახიძე გავრილომის ღამის გამო გადადგა, საქართველოს პარლამენტის თავმჯდომარედ 2019 წლის 25 ივნისს არჩილ თალაკვაძე აირჩეს.
ოჯახი[რედაქტირება | წყაროს რედაქტირება]
ჰყავს მეუღლე — ქეთევან ბუბუტეიშვილი და ორი შვილი.
სხვა საქმიანობა[რედაქტირება | წყაროს რედაქტირება]
2017 წლიდან თალაკვაძე სარაგბო კლუბ „არწივების“ საპატიო და სარბოლო კლუბის „მია ფორსის“ პრეზიდენტია.
რესურსები ინტერნეტში[რედაქტირება | წყაროს რედაქტირება]
- არჩილ თალაკვაძე — საქართველოს ბიოგრაფიული ლექსიკონი
- არჩილ თალაკვაძე — საქართველოს პარლამენტის ოფიციალური საიტი
სქოლიო[რედაქტირება | წყაროს რედაქტირება]
- ↑ საქართველოს პარლამენტის თავმჯდომარედ არჩილ თალაკვაძე აირჩიეს. 1tv.ge. ციტირების თარიღი: 25 ივნისი, 2019.
| პოლიტიკური თანამდებობები | ||
|---|---|---|
| წინამორბედი: ირაკლი კობახიძე |
საქართველოს პარლამენტის თავმჯდომარე 2016 – 2019 |
შემდეგი: |
