რამაზ ნიკოლაიშვილი

რამაზ ნიკოლაიშვილი
რამაზ ნიკოლაიშვილი
საქართველოს რეგიონული განვითარებისა და ინფრასტრუქტურის მინისტრი
თანამდებობაზე ყოფნის დრო
30 ივნისი, 2010 – 31 აგვისტო, 2012
პრეზიდენტი	მიხეილ სააკაშვილი
პრემიერ-მინისტრი	ნიკოლოზ გილაური, ივანე მერაბიშვილი
წინამორბედი	დავით ტყეშელაშვილი
მემკვიდრე	ლაშა მგელაძე
დაბადებული	17 ივნისი, 1965 (1965-06-17) თბილისი,  საქართველოს სსრ
საარჩევნი ოლქი	ოზურგეთი
მოქალაქეობა	სსრკ →  საქართველო
ეროვნება	ქართველი
პოლიტიკური პარტია	ერთიანი ნაციონალური მოძრაობა
განათლება	1) საქართველოს პოლიტექნიკური ინსტიტუტი; 2) ივანე ჯავახიშვილის სახელობის თბილისის სახელმწიფო უნივერსიტეტი
საქმიანობა	პარლამენტის წევრი
რელიგია	მართლმადიდებელი
ჯილდოები	ბრწყინვალების საპრეზიდენტო ორდენი ღირსების ორდენი ღირსების მედალი

რამაზ ნიკოლაიშვილი (დ. 17 ივნისი, 1965, თბილისი, საქართველოს სსრ ) — ქართველი ეკონომისტი, ინჟინერი, იურისტი, პოლიტიკოსი. საქართველოს რეგიონული განვითარებისა და ინფრასტრუქტურის მინისტრი 2010-2012 წლებში

განათლება

1990 წელს დაასრულა საქართველოს პოლიტექნიკური ინსტიტუტი ინჟინერ-მშენებლის კვალიფიკაციით; ხოლო 1997 წელს - თბილისის სახელმწიფო უნივერსიტეტი ეკონომისტის სპეციალობით. იგივე სასწავლებელი დაამთავრა 2003 წელსაც, ამჯერად იურისტის სპეციალობით.

კარიერა

ნიკოლაიშვილის სამუშაო გამოცდილება იწყება 1994 წლიდან, როცა მან საგადასახდო ინსპექციაში დაიწყო მუშაობა. 2000-2003 წლებში მუშაობდა საგანგებო ლეგიონში. 2003-2007 წლებში მუშაობდა ფინანსურ პოლიციაში, ხოლო ამ სამსახურის რეორგანიზების შემდეგ - შემოსავლების სამსახურში. 2008 წლის საპრეზიდენტო არჩევნების შემდეგ დაინიშნა სახელმწიფო რწმუნებულად-გუბერნატორად გურიის მხარეში, სადაც იმუშავა იმავე წლის საპარლამენტო არჩევნებამდე. არჩევნების შემდეგ, ზაფხულში დაინიშნა ჯერ თავდაცვის მინისტრის მოადგილედ, ხოლო მოგვიანებით საქართველოს საავტომობილო გზების დეპარტამენტის თავმჯდომარედ 2010-2012 წლებში იყო რეგიონული განვითარებისა და ინფრასტრუქტურის მინისტრი. 2012-2016 წლებში იყო საქართველოს მე-8 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“. 2016-2020 წლებში — საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“. 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გაერთიანებული ოპოზიცია „ძალა ერთობაშია“.

პირადი ცხოვრება

ჰყავს მეუღლე და სამი შვილი. ფლობს რუსულ და ინგლისურ ენებს.

ჯილდოები

საქართველოს სამეცნიერო და საინჟინრო საზოგადოებათა კავშირის პრეზიდიუმის 2010 წლის 20 მაისის გადაწყვეტილებით - 2009 წელს ტრანსპორტის და საგზაო მშენებლობის დარგში მიღწეული წარმატებისთვის მიენიჭა „წლის ინჟინრის“ საპატიო წოდება

• 2010 წლის 24 მაისის N418 საქართველოს პრეზიდენტის განკარგულებით დაჯილდოვდა ბრწყინვალების საპრეზიდენტო ორდენით
• 2009 წლის 4 დეკემბრის N866 საქართველოს პრეზიდენტის განკარგულებით დაჯილდოვდა ღირსების ორდენით
• 2007 წლის 17 სექტემბრის N 496 საქართველოს პრეზიდენტის განკარგულებით დაჯილდოვდა ღირსების მედლით
• 2005 წელს მიენიჭა სპეციალური წოდება „პოლკოვნიკი“.

რესურსები ინტერნეტში

• რამაზ ნიკოლაიშვილი — საქართველოს ბიოგრაფიული ლექსიკონი
• რამაზ ნიკოლაიშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)