ელდარ ნადირაძე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ელდარ ნადირაძე
დაბ. თარიღი 15 სექტემბერი 1949(1949-09-15) (71 წლის)
დაბ. ადგილი ჭორვილა, საქართველოს სსრ, სსრკ
მოქალაქეობა Flag of the Soviet Union.svg სსრკ
Flag of Georgia.svg საქართველო
საქმიანობა ეთნოლოგია
ალმა-მატერი თბილისის სახელმწიფო უნივერსიტეტი

ელდარ ნადირაძე (დ. 15 სექტემბერი, 1949, ჭორვილა, საჩხერის რაიონი, საქართველოს სსრ, სსრკ) — ქართველი ეთნოლოგი და მეცნიერი. სამხრეთ კავკასიისა და მახლობელი აღმოსავლეთის ხალხთა ეთნოკულტურის მკვლევარი. 1999-2004 წლების მეხუთე მოწვევის პარლამენტის წევრი.

ბიოგრაფია[რედაქტირება | წყაროს რედაქტირება]

ელდარ ნადირაძე დაიბადა 1949 წლის 15 სექტემბერს, საჩხერის რაიონის სოფელ ჭორვილაში. 1972 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი. 1974 წელს დაიწყო მუშაობა სიმონ ჯანაშიას სახელობის საქართველოს სახელმწიფო მუზეუმში. მონაწილეობა აქვს მიღებული მართლმადიდებლობისადმი მიძღვნილ საერთაშორისო კონფერენციათა მუშაობაში (პატმოსი, ბუქარესტი, ტალინი, რიგა). არის სამეცნიერო კრებულის „ეთნოლოგიური ძიებანის“ დამაარსებელი. მისი ხელმძღვანელობითა და რედაქციით მომზადდა აკადემიური ნაშრომი „ქართული მატერიალური კულტურის ეთნოგრაფიული ლექსიკონი“. საკანდიდატო დისერტაცია დაიცვა 1987 წელს, ხოლო სადოქტორო დისერტაცია 1998 წელს. 1999-2004 წლებში იყო საქართველოს მე-5 მოწვევის პარლამენტის წევრი პარტიული სიით, საარჩევნო ბლოკი „საქართველოს აღორძინება“.

1995 წელს მიენიჭა ღირსების ორდენი. არის ილია ჭავჭავაძის ფონდის „საგურამოს“ პრემიის ლაურეატი.

ბიბლიოგრაფია[რედაქტირება | წყაროს რედაქტირება]

  • აზერბაიჯანული ხალიჩები საქართველოს ეროვნული მუზეუმიდან, თბ., 2014, ISBN 978-9941-0-6735-8
  • ქართული და ძველაღმოსავლური სამყარო გიორგი ჩიტაიას შემოქმედებაში, თბ., 2012, ISBN 978-9941-0-4178-5
  • ქართული ლუდი, თბ., მერიდიანი, 2010, ISBN 978-9941-10-271-4
  • მსოფლიოს რელიგიები, თბ., მერიდიანი, 2008, ISBN 978-9941-10-021-5
  • საქართველოს მემორიალური კულტურა, თბ., თბილ. უნ-ტის გამ-ბა, 2001
  • უდაბნო საღვთოთ შემოკრებულთა : ქართული ბერ-მონაზვნობის ისტორიიდან, თბ., 2001, ISBN 99928-0-292-8
  • ხალხური ქვითხუროობა იმერეთში, თბ., თბილ. უნ-ტის გამ-ბა, 2001, ISBN 99928-33-65-3
  • მემორიალურ ძეგლთა სიმბოლიკა, თბ., თბილ. უნ-ტის გამ-ბა, 1998
  • საქართველოს ზოომორფული ძეგლები, თბ., თბილ. უნ-ტის გამ-ბა, 1996, ISBN 5-511-00674-2

რესურსები ინტერნეტში[რედაქტირება | წყაროს რედაქტირება]