ოთარ ჩრდილელი

მასალა ვიკიპედიიდან — თავისუფალი ენციკლოპედია
Jump to navigation Jump to search
ოთარ ჩრდილელი
ოთარ ჩრდილელი.jpg
დაბ. თარიღი 27 სექტემბერი, 1974 (1974-09-27) (45 წლის)
დაბ. ადგილი სამტრედია, საქართველოს სსრ, სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება ნიკო მუსხელიშვილის სახელობის სახელმწიფო ტექნიკური უნივერსიტეტი
ეროვნება ქართველი
პარტია „ქართული ოცნება — დემოკრატიული საქართველო“
საქმიანობა პოლიტიკოსი, ინჟინერი, ჟურნალისტი

ოთარ ჩრდილელი (დ. 27 სექტემბერი, 1974, სამტრედია, საქართველოს სსრ) — ქართველი ინჟინერი, ჟურნალისტი და პოლიტიკოსი. საქართველოს ორი მოწვევის (2012, 2016) პარლამენტის წევრი.

ბიოგრაფია[რედაქტირება | წყაროს რედაქტირება]

ოთარ ჩრდილელი დაიბადა, ქალაქ სამტრედიაში 1974 წლის 27 სექტემბერს. რკინიგზის N24 საშუალო სკოლის დასრულების შემდეგ, სწავლა განაგრძო და დაამთავრა ქუთაისის აკადემიკოს ნიკო მუსხელიშვილის სახელობის სახელმწიფო ტექნიკური უნივერსიტეტი, ინჟინერ-ქიმიკოსის სპეციალობით.

1997-2003 წლებში იყო გაზეთ „ალიას“ ჟურნალისტი. 2004-2005 წლებში — სსიპ „საქართველოს ტელევიზია და რადიომაუწყებლობის“ კორესპონდენტი. 2007-2009 წლებში — აჭარის ავტორიმიური რესპუბლიკის მთავრობის საქვეუწყებო დაწესებულება-ტელევიზიისა და რადიომაუწყებლობის პროგრამების რედაქტორი. 2010-2011 წლებში — სს „პროგრეს ბანკის“ უფროსი სპეციალისტი.

2012-2016 წლებში იყო საქართველოს მერვე მოწვევის პარლამენტის წევრი. საპროცედურო საკითხთა და წესების კომიტეტის თავმჯდომარის მოადგილე (2015–2016). შავი ზღვის ეკონომიკური თანამშრომლობის საპარლამენტო ასამბლეის (PABSEC) სათადარიგო შემადგენლობის საპარლამენტო დელეგაციის წევრი (2014–2016).

2016 წლიდან არის საქართველოს მეცხრე მოწვევის პარლამენტის წევრი.

რესურსები ინტერნეტში[რედაქტირება | წყაროს რედაქტირება]