გრიგოლ მიქელაძე

გრიგოლ მიქელაძე
საქართველოს პარლამენტის წევრი
ამჟამინდელი თანამდებობა
დაიკავა	18 ნოემბერი, 2016
პრეზიდენტი	გიორგი მარგველაშვილი სალომე ზურაბიშვილი
პრემიერ-მინისტრი	გიორგი კვირიკაშვილი მამუკა ბახტაძე გიორგი გახარია
დაბადებული	30 ივლისი, 1954 (1954-07-30)
მოქალაქეობა	სსრკ →  საქართველო
ეროვნება	ქართველი
პოლიტიკური პარტია	ქართული ოცნება
განათლება	საქართველოს პოლიტექნიკური ინსტიტუტი

გრიგოლ მიქელაძე (დ. 30 ივლისი, 1954) — ქართველი ინჟინერი და პოლიტიკოსი.

ბიოგრაფია

დაიბადა 1954 წლის 30 ივლისს. დაამთავრა საქართველოს პოლიტექნიკური ინსტიტუტი, სამშენებლო მასალების ნაკეთობათა და კონსტრუქციების საწარმოთა მექანიკური მოწყობილობის სპეციალობით, შემდეგ დაამთავრა ბაქოს პარტიული სკოლა. 1974-1977 წლებში იყო რკინიგზის თბილისის N1 სამშენებლო-სამონტაჟო სამმართველოს მუშა. 1977-1983 წლებში იყო ი. ნიკოლაძის სახელობის სამხატვრო ტექნიკუმის მუშა. 1983 წელს იყო თბილქალაქმშენის მე-14 ტრესტის კომკავშირის კომიტეტის მდივანი. 1983-1984 წლებში — თბილქალაქმშენის მე-14 ტრესტის მეორე სამმართველოს მთავარი ინჟინერი. 1984-1986 წლებში იყო ბაქოს უმაღლესი პარტიული სკოლის მსმენელი. 1986-1987 წლებში იყო თბილისის კალინინის რაიონის საორგანიზაციო განყოფილების ინსპექტორი. 1987-1989 წლებში — ტრესტინჟმშენის პარტიული კომიტეტის მდივანი. 1989-1991 წლებში — საქართველოს სოფლის მეურნეობის სამინისტროს სამშენებლო-საპროექტო სამმართველოს უფროსის მოადგილე. 1991-1992 წლებში იკავებდა შპს „ტრანსსერვისის“ სამეთვალყურეო საბჭოს თავმჯდომარის თანამდებობას. 1992-1996 წლებში იყო საქართველოს რკინიგზის დეპარტამენტის საერთაშორისო გადაზიდვებისა და საგარეო ეკონომიკური ურთიერთობების სამსახურის უფროსი, თავმჯდომარის მოადგილე. 1996-2007 წლებში — შპს „საქრკინიგზაექსპედიციის“ სამეთვალყურეო საბჭოს თავმჯდომარე. 2003-2016 წლებში იყო შპს „ტრანსსერვისის“ სამეთვალყურეო საბჭოს თავმჯდომარე. 2016-2020 წლებში იყო საქართველოს მე-9 მოწვევის პარლამენტის წევრი (სამტრედიის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“.

რესურსები ინტერნეტში

• გრიგოლ მიქელაძე — საქართველოს ბიოგრაფიული ლექსიკონი
• გრიგოლ მიქელაძე — საქართველოს პარლამენტის ოფიციალური საიტი