კონსტანტინე ბერიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
კონსტანტინე ბერიძე
დაბ. თარიღი 5 აპრილი, 1958
დაბ. ადგილი სოფ. დვაბზუ,[1] (დღ. ოზურგეთის მუნიციპალიტეტი), საქართველოს სსრ, სსრკ
გარდ. თარიღი 19 სექტემბერი, 2013 (55 წლის)
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თბილისის სახელმწიფო უნივერსიტეტი
ეროვნება ქართველი
პარტია ერთიანი ნაციონალური მოძრაობა

კონსტანტინე ბერიძე (დ. 5 აპრილი, 1958 — გ. 19 სექტემბერი, 2013) — ქართველი მათემატიკოსი, პოლიტიკოსი, თანამდებობის პირი.

ბიოგრაფია[რედაქტირება | წყაროს რედაქტირება]

დაიბადა 1958 წლის 5 აპრილს, სოფელ დვაბზუში.[1] 1979 წელს დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი, ხოლო 1984 წელს — მოსკოვის კვების მრეწველობის ტექნოლოგიური ინსტიტუტის ასპირანტურა.

1979–1982 წლებში იყო ჩაის მრეწველობის სამეცნიერო კვლევითი ინსტიტუტის ინჟინერი, ხოლო 1985–1986 წლებში — ჩაის მრეწველობის სამეცნიერო საწარმოო გაერთიანების ინჟინერი, 1986-1992 წლებში ამავე საწარმოს გაერთიანების მეცნიერ-თანამშრომელი. 1992 წელს გურიის მხარეში სახელმწიფო საბჭოს რწმუნებული იყო. 1992-1995 წლებში საქართველოს მე-3 მოწვევის პარლამენტის მაჟორიტარი დეპუტატი N7, 60 ოზურგეთის ერთმანდატიანი საარჩევნო ოლქიდან.

1996-1997 წლებში იყო შპს „მარტინ ბაუერ თბილისის“ მენეჯერი, 1997-1998 წლებში იგივე შპს-ის გურიის ბიუროს უფროსი, ხოლო 1998-1999 წლებში დირექტორი. 2004-2008 წლებში საქართველოს მე-6 მოწვევის პარლამენტის წევრი: პარტიული სიით: „ნაციონალური მოძრაობა — დემოკრატები“, იყო რეგიონალური პოლიტიკის, მაღალმთიანი რეგიონებისა და თვითმმართველობის კომიტეტის წევრი.

გარდაიცვალა 2013 წლის 19 სექტემბერს, 55 წლის ასაკში.

ლიტერატურა[რედაქტირება | წყაროს რედაქტირება]

  • კობა ამირხნაშვილი, საქართველოს პარლამენტის წევრები 1990-2015, გვ. 92, თბ., 2015.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]