გიორგი ოჩიაური

მასალა ვიკიპედიიდან — თავისუფალი ენციკლოპედია
Jump to navigation Jump to search
გოგი ოჩიაური
Gogi ochiauri.jpg
სრული სახელი გიორგი ოჩიაური
დაიბადა 10 იანვარი, 1927
დაბადების ადგილი სოფ. შუაფხო, დუშეთის რაიონი, ასფსრ
გარდაიცვალა 18 ოქტომბერი, 2017 (90 წლის)
ეროვნება ქართველი
სფერო მოქანდაკე, მხატვარი

გიორგი (გოგი) ოჩიაური (დ. 10 იანვარი, 1927, შუაფხო, დუშეთის რაიონი, საქართველოს სსრ, სსრკ — გ. 18 ოქტომბერი, 2017) — ქართველი მოქანდაკე. საქართველოს მე-8 მოწვევის პარლამენტის წევრი (2012-2016).

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1953 წელს. იყო თბილისის სახელმწიფო სამხატვრო აკადემიის პროფესორი, ქანდაკების ფაკულტეტის სამხატვრო კლასის ხელმძღვანელი; 1953 წლიდან მონაწილეობს რესპუბლიკურ, საკავშირო და საზღვარგარეთ გამართულ გამოფენებში. არის ავტორი ნამუშევრებისა: „ვაჟა-ფშაველა“ (1972), „ზღვა“, „შენ ხარ ვენახი“ (1964), „ქალის ტორსი“ (ადლერი, 1969), „სიცოცხლის ხე“ (ტექსელი, 1977), „რექვიემი“ (1981-1985); ალეგორიური ქანდაკებისა „მუსიკა“, „რესტავრაცია“ (მოსკოვი); არის დამდგმელი მხატვარი ფილმისა „ალავერდობა“; ავტორი სამენოვანი წიგნისა — „ევროპული ქანდაკების ბუნებისათვის“ (2002).

1990-1991 წლებში იყო საქართველოს რესპუბლიკის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). იყო საქართველოს მე-8 მოწვევის პარლამენტის წევრი პარტიული სიით, პოლიტიკური ბლოკი „ ერთიანი ნაციონალური მოძრაობა — „მეტი სარგებელი ხალხს“

გარდაიცვალა 2017 წლის 18 ოქტომბერს, 90 წლის ასაკში.[1] დარჩა მეუღლე და შვილები. მისი ძმა ირაკლი ოჩიაური აგრეთვე მოქანდაკე იყო.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. გარდაიცვალა მოქანდაკე გიორგი ოჩიაური. „რადიო თავისუფლება“. 18.10.2017