წვრიმალა

წვრიმალა — ქართული აბორიგენული წითელყურძნიანი საღვინე ვაზის ჯიში ლეჩხუმიდან.

სახელწოდება მიღებული აქვს წვრილი მარცვლების გამო.

მაღლარების სახით, ერთეული ძირებია ლეჩხუმის სოფლებში: ლაჯანა და ორბელი.

ბოტანიკური აღწერა

ზრდასრული ფოთოლი საშუალო ზომისაა, მომრგვალო, სამნაკვთიანი ან მთლიანი. ფოთლის ქვედა მხარე დაფარულია თხელი აბლაბუდისებრი შებუსვით. ყვავილი მდედრობითი სქესისაა. მტევანი ჰატარა ან საშუალო ზომისაა, ცილინდრული ან ცილინდრულ-კონუსური ფორმის, თხელია, ზოგჯერ საშუალო სიკუმსის. მარცვალი მცირე ზომისაა, მომრგვალო, ზოგჯერ შეზნექილი, მუქი წითელი — თითქმის შავი. კანი თხელი აქვს, რბილობი — წვნიანი.

წვრიმალა საშუალო ზრდისა და საშუალომოსავლიანია. სრულ სიმწიფეში სექტემბრის ბოლოს შედის. ყურძნის სრული სიმწიფის პერიოდში მისი შაქრიანობა აღწევს 18-21%-ს, ხოლო მჟავიანობა — 8 გ/ლ-ს.

მიიღება სუფრის წითელი მშრალი ღვინო.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 475