ბესტიაშვილის თეთრა
აგუნა — ქართული თეთრყურძნიანი სელექციური სასუფრე ვაზის ჯიში.
გამოყვანილია ვასილ ბესტავაშვილის მიერ 1950 წელს შასლასა და სუფრის გორულას შეჯვარებით.
ბოტანიკური აღწერა[რედაქტირება | წყაროს რედაქტირება]
ზრდასრული ფოთოლი მომრგვალო ან ოვალურია, ხუთნაკვთიანი. ფოთლის ქვედა მხარე სუსტადაა დაფარული ჯაგრისებრ-აბლაბუდისებრი შებუსვით. ყვავილი ორსქესიანია. მტევანი საშუალოზე დიდია, კონუსური, ხშირად ფრთიანი, საშუალო სიმკვრივის ან კუმსი. მარცვალი მომრგვალოა, მოთეთრო-მოყვითალო. დაფარულია სქელი ცვილისებრი ფიფქით. კანი სქელია და საშუალო სიმკვრივის. რბილობი ხორციანია და მკვრივია, გემო — სასიამოვნო.
ვაზი საშუალო ან საშუალოზე ძლიერი ზრდისაა. საადრეო სიმწიფისაა. სავეგეტაციო პერიოდის ხანგრძლივობა 126-130 დღეა. მტევნის საშუალო წონა 230-260 გრამია, საჰექტარო მოსავლიანობა კი 10.0 ტონა. ყურძნის სრული სიმწიფის პერიოდში მისი შაქრიანობა აღწევს 16-17%-ს, ხოლო მჟავიანობა — 5-5.5 გ/ლ-ს. ბესტავაშვილის თეთრა მაღალხარისხიან სასუფრე ყურძენს იძლევა.
ლიტერატურა[რედაქტირება | წყაროს რედაქტირება]
- უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 542