ოქროულა

მასალა ვიკიპედიიდან — თავისუფალი ენციკლოპედია
Jump to navigation Jump to search

ოქროულაქართული თეთრყურძნიანი სასუფრე ვაზის ჯიში. წარმოშობილია კახეთში. გამოიყენება სასუფრე ყურძნად, აქვს სასიამოვნო ჰარმონიული გემო და სუსტად გამოხატული ჯიშური არომატი. მისგან ასევე მზადდება ხარისხიანი ყურძნის წვენი.[1]

საშუალო ზრდის ჯიშია. ზრდასრული ფოთოლი საშუალო ზომის, მომრგვალო და სამ-ხუთნაკვთიანია. ფოთლის ქვედა მხარე შეუბუსავია, ან დაფარულია თხელჯაგრისებურად. მტევანი საშუალო ზომის, კონუსური ან ცილინდრულ-კონუსური ფორმის და მხრიანია, საშუალო სიკუმსის, ზოგჯერ მთელი ან კუმსი. მარცვალი მომრგვალო, ხანდახან ოვალური ფორმის, მოქარვისფრო-მოყვითალო ელფერით. რბილობი საშუალო სიმკვრივისაა, აქვს სასიამოვნო ჰარმონიული გემო. სავეგეტაციო პერიოდი 155 დღეს გრძელდება. მტევანი იწონის 100–400 გრამს. ყურძნის სრული სიმწიფის პერიოდში შაქრიანობა 18–20%-ს აღწევს, მჟავიანობა — 5,0–8,0 /-ს.[1]

სქოლიო[რედაქტირება | წყაროს რედაქტირება]

  1. 1.0 1.1 გაზ. „ჩვენი სოფელი“, №6 (56), 1 სექტემბერი 2020, გვ. 11.