კლერტმაგარა
კლერტმაგარა — ქართული აბორიგენული წითელყურძნიანი საღვინე ვაზის ჯიში იმერეთიდან.
ვაზის სახელწოდება მისი კლერტის გამძლეობას გამოხატავს.
ცალკეული ეგზემპლარებია ასპინძის, საროს, ტოლოშისა (ასპინძის მუნიციპალიტეტი) და აწყურის ბაღებში.
ბოტანიკური აღწერა[რედაქტირება | წყაროს რედაქტირება]
ზრდასრული ფოთოლი საშუალო ზომისა და მომრგვალო ფორმისაა. ფოთლის ქვედა მხარე დაფარულია ჯაგრისებრი შებუსვით. ყვავილი ორსქესიანია. მტევანი საშუალო ზომისაა, ცილინდრულ-კონუსური ფორმის. ახასიათებს დატოტვა. საშუალო სიკუმსის ან მეჩხერია. მარცვალი საშუალო ზომისაა, მომრგვალო, მუქი-წითელი, დაფარული სქელი ნაცრისფერი ცვილისებრი ნაფიფქით. რბილობი საშუალო სიმკვრივისაა, წვნიანი, სასიამოვნო მომჟავო-მოტკბო გემოთი.
კლერტმაგარა სრულ სიმწიფეში ოქტომბრის პირველ ნახევარში შედის. გამოიყენება სუფრის წითელი ღვინის დასამზადებლად.
ლიტერატურა[რედაქტირება | წყაროს რედაქტირება]
- უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 192