ბზვანურა

მასალა ვიკიპედიიდან — თავისუფალი ენციკლოპედია

ბზვანურა — ქართული აბორიგენული წითელყურძნიანი საღვინე ვაზის ჯიში იმერეთიდან.

გავრცელებულია ვანის მუნიციპალიტეტის სოფელ ბზვანის ვენახებში და სწორედ აქედან იღებს სახელწოდებას.

აღწერა[რედაქტირება | წყაროს რედაქტირება]

ზრდასრული ფოთოლი საშუალო ზომისაა, მომრგვალო, ხუთნაკვთიანი, ფოთლის ქვედა მხარე აბლაბუდისებრადაა შებუსული. ყვავილი ორსქესიანია. მტევანი საშუაო ზომისაა, ცილინდრული, კონუსური ან ცილინდრულ-კონუსური ფორმის, კუმსი და ძალიან კუმსი. მარცვალი საშუალო ზომისაა, მომრგვალო ან შებრტყელებული, შავი ფერის. წვენი სუსტადაა შეფერილი.

ბზვანურა საშუალო ზრდა-განვითარებისა და საშუალომოსავლიანია. სავეგეტაციო პერიოდის ხანგრძლივობა 178 დღეა. სიმწიფეში სექტემბრის ბოლოს შედის. ყურძნის სრული სიმწიფის პერიოდში მისი შაქრიანობა აღწევს 14-18%, ხოლო მჟავიანობა — 7.2-10 გ/ლ-ს.

მიიღება სუფრის წითელი მშრალი ღვინო.

ლიტერატურა[რედაქტირება | წყაროს რედაქტირება]

  • უჯმაჯურიძე ლ., კაკაბაძე გ. მამასახლიშვილი ლ., „ქართული ვაზის ჯიშები“, თბ., 2018, გვ. 74