ურიშულა

მასალა ვიკიპედიიდან — თავისუფალი ენციკლოპედია
Jump to navigation Jump to search

ურიშულაქართული წითელყურძნიანი საღვინე ვაზის ჯიში. წარმოშობილია რაჭა-ლეჩხუმში. იყენებენ სუფრის წითელი მშრალი ღვინის დასამზადებლად.[1]

საშუალო ზრდისა და საშუალო მოსავლიანი ვაზია. ზრდასრული ფოთოლი საშუალო ზომისაა, მომრგვალო, სამ-ხუთნაკვთიანი. ფოთლის ქვედა მხარე თხლადაა შებუსული. მტევანი მცირე ზომის, კონუსური, ზოგჯერ ცილინდრულ-კონუსური ან ცილინდრული ფორმის, ფრთიანი, კუმსი ან საშუალო სიკუმსისაა. მარცვალი საშუალო ზომისაა, ზოგჯერ პატარა, მრგვალი ან მომრგვალო, მუქი წითელი ან მოწითალო. აქვს სქელი და მკვრივი კანი, წვნიანი რბილობი, შეუფერავი წვენი. სავეგეტაციო პერიოდი 150 დღეს შეადგენს. მტევანი საშუალოდ იწონის 100 გრამს. სრულ სიმწიფეში ყურძნის წვენის შაქრიანობა 17-23%-ს აღწევს, მჟავიანობა — 7,5–11გ/-ს.[1]

სქოლიო[რედაქტირება | წყაროს რედაქტირება]

  1. 1.0 1.1 გაზ. „ჩვენი სოფელი“, №6 (56), 1 სექტემბერი 2020, გვ. 11.