წვრილმარცვალა რქაწითელი

წვრილმარცვალა რქაწითელი, მამალი რქაწითელი — ქართული აბორიგენული თეთრყურძნიანი საღვინე ვაზის ჯიში კახეთიდან.

რქაწითელის ერთ-ერთი ვარიაციაა.

გამოვლენილია სელექციონერ ვასილ ლოლაძის მიერ თელავის საცდელ სადგურში.

აქვს პატარა ზომის სამნაკვთიანი ფოთლები, საშუალო ზომის მტევნები, წვრილი მარცვლები და მცირემოსავლიანია.

გამოიყენება სუფრის თეთრი, მშრალი ღვინის დასამზადებლად.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 473