ორხურა

ორხურა — ქართული აბორიგენული თეთრყურძნიანი სასუფრე ვაზის ჯიში ლეჩხუმიდან.

ბოტანიკური აღწერა

მტევანი მცირე ან საშუალო ზომისაა, ძირითადად ცილინდრულ-კონუსური ფორმის. საშუალო სიკუმსის ან მეჩხერია. მარცვალი საშუალო ზომისაა, ოვალური, მოყვითალო-მომწვანო ელფერის. რბილობი საკმაოდ მკვრივი და წვნიანია, თხელკანიანი.

ორხურა სექტემბრის პირველ ნახევარში მწიფდება. საშუალომოსავლიანი ჯიშია. ახასიათებს ყვავილცვენა.

მოიხმარენ სასუფრე ყურძნად.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 285