მცვივანი რაჭული

მასალა ვიკიპედიიდან — თავისუფალი ენციკლოპედია
Jump to navigation Jump to search

მცვივანი რაჭული — თეთრყურძნიანი საღვინე ქართული ვაზის ჯიში. წარმოშობილია რაჭაში. სახელი ეწოდა გადაჭარბებული ყვავილცვენის გამო, რაც მდედრობითი ყვავილებითაა გამოწვეული. უძველესი დროიდანაა ფართოდ გავრცელებული. სწორედ ამ უძველესი ჯიშისაგან მზადდებოდა ზემო რაჭის საუკეთესო თეთრი ღვინო. მისგან დამზადებული ღვინო ნაზი, მსუბუქი, ხალისიანი, საკმაოდ სხეულიანი, სურნელოვანი და სასიამოვნო გემოსია. კარგი მასალაა აგრეთვე ცქრიალა ღვინისთვის.[1]

ჯიში საშუალო ზრდისაა. ზრდასრული ფოთოლი საშუალო ზომის, სამ-ხუთნაკვთიანია. ფოთლის ქვედა მხარე შებუსულია. ყვავილი მდედრობითი სქესისაა. აქვს საშუალო და დიდი ზომის, კონუსური, მხრიანი, დატოტვილი, მეჩხერი ან საშუალო სიკუმსის მტევანი. მარცვალი მომრგვალო ფორმის, მომწვანო, ან მომწვანო-მოყვითალო ელფერის; კანი საკმაოდ თხელია, რბილობი ოდნავ მკვრივი, გემო — ნაზი და სასიამოვნოდ ტკბილი.[1]

სავეგეტაციო პერიოდი 140 დღეს გრძელდება. მტევანი იწონის 90–200 გრამამდე. ყურძნის სრული სიმწიფის პერიოდში შაქრიანობა 17–21%-ს აღწევს, მჟავიანობა 6,5–9,0 / მერყეობს.[1]

სქოლიო[რედაქტირება | წყაროს რედაქტირება]

  1. 1.0 1.1 1.2 ვაზის ჯიშები // ჩვენი სოფელი : გაზეთი, თბილისი, 2020, № 8(58), გვ. 9.