აგუნა (ვაზის ჯიში)

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
Disambig-dark.svg სხვა მნიშვნელობებისთვის იხილეთ აგუნა.

აგუნა, ნაცრისფერი მუსკატისელექციური თეთრყურძნიანი სასუფრე ვაზის ჯიში. გამოყვანილია საქართველოს სასოფლო-სამეურნეო ინსტიტუტის მევენახეობის კათედრაზე მაქსიმე და რეზო რამიშვილების მიერ. იძლევა მაღალხარისხიან სასუფრე ყურძენს.[1]

ზრდასრული ფოთოლი საშუალო ან დიდი ზომისა და ფორმისაა, სამ-ხუთნაკვთიანი. ფოთლის ფირფიტის ქვედა მხარე სუსტადაა შებუსული ძარღვების გასწვრივ. მტევანი საშუალო ან საშუალოზე დიდია, განიერ-კონუსური, გვხვდება ცილინდრულ-კონუსური ფორმის მტევნებიც, ხშირად ფრთიანი, საშუალო სიკუმსის. მარცვალი მსხვილი და მომრგვალოა. აქვს საშუალო სისქის კანი, ხორციანი და მკვრივი რბილობი, კარგად გამოხატული სასიამოვნო მუსკატური გემოთი. სავეგეტაციო პერიოდი 154–165 დღეს შეადგენს. მტევანი საშუალოდ იწონის 230–260 გრამს. ყურძნის სიმწიფის პერიოდში შაქრიანობა 19,2–21%-ს აღწევს, მჟავიანობა — 5,5–6 /-ს.[1]

სქოლიო[რედაქტირება | წყაროს რედაქტირება]

  1. 1.0 1.1 გაზ. „ჩვენი სოფელი“, №6 (56), 1 სექტემბერი 2020, გვ. 11.