ქართული პირველი
ქართული პირველი — ქართული თეთრყურძნიანი სელექციური სასუფრე ვაზის ჯიში.
გამოყვანილია 1947 წელს საქართველოს მებაღეობა-მევენახეობისა და მეღვინეობის სამეცნიერო-კვლევითი ინსტიტუტის თელავის საცდელ სადგურში ვასილ ლოლაძის მიერ რქაწითელისა და ხალილი თეთრის შეჯვარებით.
ბოტანიკური აღწერა[რედაქტირება | წყაროს რედაქტირება]
ზრდასრული ფოთოლი საშუალო ზომისაა, მომრგვალო, იშვიათად მოგრძო, საშუალოდ დანაკვთული, სამნაკვთიანია. ქვედა მხარე თითქმის შეუბუსავია. ყვავილი ორსქესიანია. მტევანი საშუალო ზომისაა, კონუსური ფორმის, კუმსი. მარცვალი საშუალო ზომისაა, მოგრძო ან კვერცხისებური ფორმის, ქარვისფერ-ყვითელი.
ქართული პირველი სრულ სიმწიფეში აგვისტოს დასაწყისში შედის. ვაზი საშუალო ზრდისა და საშუალომოსავლიანია. ყურძნის სრული სიმწიფის პერიოდში მისი შაქრიანობა აღწევს 16-18%-ს, ხოლო მჟავიანობა — 5.0-3.8 გ/ლ-ს.
ჯიში გამოიყენება სასუფრე ყურძნად.
ლიტერატურა[რედაქტირება | წყაროს რედაქტირება]
- უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 561-562