თეიმურაზ კოპალეიშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
თეიმურაზ კოპალეიშვილი
დაბადების თარიღი 29 აგვისტო, 1943 (1943-08-29) (76 წლის)
დაბადების ადგილი თბილისი, საქართველოს სსრ–ის დროშა საქართველოს სსრ, საბჭოთა კავშირის დროშა სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თბილისის სახელმწიფო უნივერსიტეტი
ეროვნება ქართველი

თეიმურაზ კოპალეიშვილი (დ. 29 აგვისტო, 1943, თბილისი) — ქართველი ეკონომისტი, პედაგოგი, პოლიტიკოსი.

1969 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი. 1962-1963 და 1966-1969 წლებში მუშაობდა „თბილტანსაცმელვაჭრობის“ გამყიდვლად. 1969-1972 წლებში იყო თბილისის სახელმწიფო უნივერსიტეტის ასპირანტი. 1973-1974 წლებში იყო თბილისის სახელმწიფო უნივერსიტეტის საქონელმცოდნეობის კათედრის ასისტენტი. 1974-1978 წლებში იყო მოსკოვის კოოპერაციული ინსტიტუტის თბილისის ფაკულტეტის უფროსი მასწავლებელი. 1978-2005 წლებში იყო საქართველოს სოციალურ-ეკონომიკური პრობლემების სამეცნიერო კვლევითი ინსტიტუტის განყოფილების გამგე. 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „სრულიად საქართველოს აღორძინების კავშირი“. 1995-1999 წლებში იყო საქართველოს მე-4 მოწვევის პარლამენტის წევრი პარტიული სიით, საარჩევნო ბლოკი „საქართველოს მოქალაქეთა კავშირი“. 2000-2004 წლებში იყო საქართველოს ეკონომიკის სამინისტროს ეკონომიკური პოლიტიკის დეპარტამენტის დირექტორი. 2004-2005 წლებში იყო ასოციაცია „გლობალ-აგროს“ ეკონომიკური სამსახურის ხელმძღვანელი. 2005 წლის მაისიდან დეკემბრამდე იყო შპს „ალაფი-აგროს“ მეცნიერ-კონსულტანტი. 2006-2008 წლებში იყო პარლამენტის საფინანსო-საბიუჯეტო კომიტეტის აპარატის უფროსი. ავტორია 40-მდე სამეცნიერო ნაშრომისა და 1 გამოგონების.


რესურსები ინტერნეტში[რედაქტირება | წყაროს რედაქტირება]