ჯემალ ბერიძე

მასალა ვიკიპედიიდან — თავისუფალი ენციკლოპედია
Jump to navigation Jump to search

ჯემალ ბერიძე (დ. 13 აგვისტო, 1944) — ქართველი ინჟინერი, მეცნიერი და პოლიტიკოსი.

ბიოგრაფია[რედაქტირება | წყაროს რედაქტირება]

დაიბადა სოფელ ილადაურის, შუახევის რაიონში. 1996 წელს დაამთავრა საქართველოს პოლიტექნიკური ინსტიტუტი, ხოლო 1973 წელს ასპირანტურა, იგი 1973 წლიდან ეწევა სამეცნიერო-პედაგოგიურ მოღვაწეობას. 1973-1982 წლებში არის საქართველოს პოლიტექნიკური ინსტიტუტის მრავალარხიანი ელექტროკავშირგაბმულობის კათედრის დოცენტი, ამავე დროს, პარალელურად იყო კავშირგაბმულობის ფაკულტეტის დეკანის მოადგილე სამეცნიერო დარგში.

1982-2009 წლებში იყო ავტომატური ელექტროკავშირგაბმულობის კათედრის გამგე, არის სატელეკომუნიკაციო ქსელებისა და სისტემების სასწავლო-სამეცნიერო მიმართულების ხელმძღვანელი 2009 წლიდან. 1992-1995 წლებში საქართველოს მე-3 მოწვევის პარლამენტის წევრი, კავშირგაბმულობის ქვეკომისიის თავჯდომარე. 1995-1999 წლებში მე-4 მოწვევის პარლამენტის წევრი იყო, საქართველოს აღორძინების კავშირის სიით, საგარეო-პოლიტიკურ საკითხთა კომიტეტის თავჯდომარის მოადგილე.

სწორედ მისი ხელმძღვანელობით მომზადდა საქართველოს კანონი კავშირგაბმულობის შესახებ, აქვს მრავალი სამეცნიერო ნაშრომი, არის ტექნიკის მეცნიერების დოქტორი.

ჯილდოები[რედაქტირება | წყაროს რედაქტირება]

  • 2013 — ღირსების ორდენი
  • 1998 — ღირსების მედალი

ლიტერატურა[რედაქტირება | წყაროს რედაქტირება]

  • კობა ამირხანაშვილი, საქართველოს პარლამენტის წევრები 1990-2015, გვ. 93, თბ., 2015.

რესურსები ინტერნეტში[რედაქტირება | წყაროს რედაქტირება]