თენგიზ კიტოვანი

თენგიზ კიტოვანი
საქართველოს თავდაცვის მინისტრი
მმართ. დასაწყისი:	8 მაისი, 1992
მმართ. დასასრული:	მაისი, 1993
წინამორბედი:	ლევან შარაშენიძე
მემკვიდრე:	გიორგი ყარყარაშვილი
პირადი ცხოვრება
დაბ. თარიღი:	9 ივნისი, 1938 (1938-06-09)
დაბ. ადგილი:	თბილისი, საქართველოს სსრ
მოღვაწეობა:	1990-1995
მეთაურობდა:	საქართველოს ეროვნულ გვარდიას
ბრძოლები/ომები:	აფხაზეთის ომი საქართველოს სამოქალაქო ომი
თენგიზ კიტოვანი ვიკისაწყობში

თენგიზ კიტოვანი (დ. 9 ივნისი, 1938, თბილისი) — ქართველი პოლიტიკოსი და სამხედრო პირი, „საქართველოს რესპუბლიკის სამხედრო საბჭოს“ წევრი 1992 წლის 6 იანვარიდან ამავე წლის 10 მარტამდე, საქართველოს ეროვნული გვარდიის ხელმძღვანელი, საქართველოს თავდაცვის მინისტრი 1992-1993 წლებში.

ბიოგრაფია

1990-1991 წლებში იყო საქართველოს რესპუბლიკის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1992-1995 წლებში იყო საქართველოს მე-3 მოწვევის პარლამენტის წევრი (ბოლნისის მაჟორიტარი).

მონაწილეობა მიიღო პირველი პრეზიდენტის, ზვიად გამსახურდიას ხელისუფლების წინააღმდეგ მოწყობილ გადატრიალებაში თბილისში 1991-1992 წლებში და შემდეგ ქვეყანაში დაწყებულ სამოქალაქო ომში. ასევე მონაწილეობდა აფხაზეთის ომში.

1996 წლის ოქტომბერში თენგიზ კიტოვანი დააკავეს უკანონო შეიარაღებული დაჯგუფების ორგანიზების ბრალდებით და 8-წლიანი პატიმრობა შეუფარდეს. 1999 წლის 22 მაისს საქართველოს პრეზიდენტმა ედუარდ შევარდნაძემ შეიწყალა კიტოვანი ჯანმრთელობის მდგომარეობის გაუარესების გამო და პატიმრობიდან დაიხსნა. 2000-იან წლებში კიტოვანი მოსკოვში ცხოვრობდა. საქართველოში დაბრუნდა 2012 წელს, მთავრობის შეცვლის შემდეგ.

რესურსები ინტერნეტში

• თენგიზ კიტოვანი — საქართველოს პარლამენტის ოფიციალური საიტი (საქართველოს რესპუბლიკის პირველი მოწვევა)
• თენგიზ კიტოვანი — საქართველოს პარლამენტის ოფიციალური საიტი (საქართველოს პარლამენტის მესამე მოწვევა)
• მცირე ინფორმაცია თენგიზ კიტოვანზე. labyrinth.ru (რუსული)