ასლან ფაღავა

ასლან ფაღავა
დაბადების თარიღი	12 ნოემბერი, 1961
დაბადების ადგილი	ბათუმი, აჭარის ასსრ, საქართველოს სსრ, სსრკ
მოქალაქეობა	სსრკ →; საქართველო
ეროვნება	ქართველი

ასლან ფაღავა (დ. 12 ნოემბერი, 1961, ბათუმი — გ. 2020, იქვე^{[წყარო არ არის მითითებული 357 დღე]}) — ქართველი პოლიტიკოსი, იურისტი.

1977-1983 წლებში სწავლობდა საქართველოს ტექნიკურ უნივერსიტეტში და მიიღო მაგისტრის ხარისხი საავტომობილო ტრანსპორტის ინჟინერ-მექანიკოსისა. 1984 წლიდან 1987 წლამდე სწავლობდა კიევის საავტომობილო გზების ინსტიტუტში, როგორც ასპირანტი (დოქტორანტი)- საავტომობილო ტრანსპორტის ორგანიზაცია. 1998 წელს მოიპოვა ბათუმის შოთა რუსთაველის სახელმწიფო უნივერსიტეტის მაგისტრის ხარისხი სამართალმცოდნეობაში. 1998 წელს ის ასევე სწავლობდა აშშ-ს უმაღლესი სასამართლოს სასამართლო ადმინისტრირების სკოლაში.^{[წყარო არ არის მითითებული 357 დღე]}

1977-1979 წლებში იყო ბათუმის მანქანათმშენებელი ქარხნის ზეინკალი. 1979–1980 წლებში ბათუმის საყოფაცხოვრებო მანქანათმშენებელი ქარხნის მატერიალურ ტექნიკური განყოფილების მეორადი ლითონის გადამუშავების სპეციალისტი. 1980–1988 წლებში ორთაბათუმის საშუალო სკოლის პედაგოგი (ავტომობილები და მოძრაობის წესები). 1988-1989 წლებში კოოპერატივ „ქვაბიშის“ თავმჯდომარე.^{[წყარო არ არის მითითებული 357 დღე]} 1989-1991 წლებში ხელვაჩაურის რაიონის წარმოების და მომსახურების სფეროს კოოპერატივთა რაიონული გაერთიანების პრეზიდენტი.

1992 წელს აჭარის უზენაესი საბჭოს აპარატის მთავარი სპეციალისტი. 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „ქართველ ტრადიციონალისტთა კავშირი“. 1996-2001 წლები აჭარის ავტონომიური რესპუბლიკის უზენაესი საბჭოს დეპუტატი.

1997-2002 წლებში იყო აჭარის ავტონომიური რესპუბლიკი იუსტიციის საბჭოს მდივანი. 2002-2003 წლებში საადვოკატო კომპანია „ადვოკატი პლიუსის“ ადვოკატი. 2003-2006 წლებში პოლიტიკის და ეკონომიკის ცენტრის დირექტორი. 2006-2008 წლებში სამშენებლო ჰოლდინგ „დასავლეთ საქართველოს ჰიდროს“ პრეზიდენტი. 2008-2014 წლებში კვლავ პოლიტიკის და ეკონომიკის ცენტრის დირექტორი. 2014-2018 წლებში პოლიტიკური კლუბ „მომავლის გზის“ გამგეობის თავმჯდომარე.^{[წყარო არ არის მითითებული 357 დღე]}

რესურსები ინტერნეტში[რედაქტირება | წყაროს რედაქტირება]