მირიან მირიანაშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
მირიან მირიანაშვილი
დაბადების თარიღი 1 იანვარი, 1961 (1961-01-01) (59 წლის)
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება თბილისის სახელმწიფო უნივერსიტეტი
ეროვნება ქართველი
მეუღლე/ები ნინო აროშიძე
შვილ(ებ)ი 1

მირიან მირიანაშვილი (დ. 1 იანვარი, 1961,[1] თბილისი) — ქართველი პოლიტიკოსი და იურისტი.

ბიოგრაფია[რედაქტირება | წყაროს რედაქტირება]

მირიან მირიანაშვილი დაიბადა შოთა მირიანაშვილისა და ნანი რთველიაშვილის ოჯახში[წყარო არ არის მითითებული 56 დღე]. 1983 წელს დაამთავრა თბილისის სახელმწიფო უნივერსიტეტი გეოფიზიკის სპეციალობით, 1999 წელს კი იმავე უნივერსიტეტის იურიდიული ფაკულტეტი. 1987 წელს ასპირანტურის დამთავრების შემდეგ იქვე ეწეოდა სამეცნიერო და პედაგოგიურ საქმიანობას.

80-იანი წლების მეორე ნახევრიდან ეროვნულ-განმათავისუფლებელი მოძრაობის მონაწილეა. სხვადასხვა დროს იყო საქართველოს სახალხო ფრონტის გამგეობის, „მრგვალი მაგიდა — თავისუფალი საქართველოს“ მუდმივი საბჭოს წევრი და საუნივერსიტეტო მოძრაობის თავმჯდომარე. 1990-1991 წლებში იყო საქართველოს რესპუბლიკის უზენაესი საბჭოს წევრი საარჩევნო ბლოკი „მრგვალი მაგიდა — თავისუფალი საქართველოდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). იყო საკონსტიტუციო კომისიის წევრი და 1991 წლის 31 მარტის დამოუკიდებლობის შესახებ რეფერენდუმის ერთ-ერთი ორგანიზატორი.

1995-1998 წლებში საქართველოს რეფორმატორთა კავშირის ორგ. მდივანია შემდეგ პოლიტ. მდივანი. 1999-2002 წლებში საქართველოს ერთიანი ნაციონალური მოძრაობის[ბატონო?] თავმჯდომარეა.[2]

პოლიტიკური კარიერის მანძილზე 3-ჯერ იყო ემიგრაციაში სხვადასხვა ხელისუფლებების დროს.[წყარო არ არის მითითებული 56 დღე]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. მირიანაშვილი მირიან. საქართველოს პარლამენტი. ციტირების თარიღი: 18 დეკემბერი, 2017.
  2. მირიან მირიანაშვილი. nplg.gov.ge. ციტირების თარიღი: 18 დეკემბერი, 2017.