გურამ მამულია

გურამ მამულია
დაბადების თარიღი	9 მაისი, 1937
გარდაცვალების თარიღი	1 იანვარი, 2003 (65 წლის)
მოქალაქეობა	სსრკ →  საქართველო
ეროვნება	ქართველი
მამა	სამსონ მამულია

გურამ მამულია (დ. 9 მაისი, 1937, თბილისი, — გ. 1 იანვარი, 2003) — ქართველი ისტორიკოსი, პოლიტიკოსი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1960 წელს. ეწეოდა სამეცნიერო-პეფაგოგიურ მოღვაწეობას იკვლევდა ანტიკურ ქართლში სახელმწიფოს ჩამოყალიბების („კლასობრივი საზოგადოებისა და სახელმწიფოს ჩამოყალიბება ძველ ქართლში“, 1970) და ძველ საქართველოში ფეოდალური ურთიერთობების („პატრონყმობა“, 1987) საკითხებს, მაჰმადიანი მესხების პრობლემებს („მაჰმადიანი მესხების ქართული გვარები“, 1997).

1992 წელს საქართველოს რესპუბლიკის სახელმწიფო საბჭოს წევრი. 1992-1995 წლებში იყო საქართველოს მე-3 მოწვევის პარლამენტის წევრი პარტიული სიით, საარჩევნო ბლოკი „მშვიდობა“. 1996-2001 წლებში იყო საქართველოს ლტოლვილთა და განსახლების სამინისტროს რეპატრიაციის სამსახურის უფროსი, 2001-2003 წლებში — რუსეთის ფედერაციაში საქართველოს საელჩოს II მდივანი.

რესურსები ინტერნეტში

• გურამ მამულია — საქართველოს პარლამენტის ოფიციალური საიტი
• გურამ მამულია — საქართველოს ბიოგრაფიული ლექსიკონი