იოსებ ბარათაშვილი (პოლიტიკოსი)

მასალა ვიკიპედიიდან — თავისუფალი ენციკლოპედია
Jump to navigation Jump to search
იოსებ (სოსო) ბარათაშვილი
დაბადების თარიღი 19 მაისი, 1960 (1960-05-19) (60 წლის)
დაბადების ადგილი ბოლნისი, ბოლნისის რაიონი, საქართველოს სსრ–ის დროშა საქართველოს სსრ, საბჭოთა კავშირის დროშა სსრკ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება საქართველოს პოლიტექნიკური ინსტიტუტი, თბილისის სახელმწიფო უნივერსიტეტი
ეროვნება ქართველი

იოსებ (სოსო) ბარათაშვილი (დ. 19 მაისი, 1960, ბოლნისი) — ქართველი ინჟინერი, იურისტი, პედაგოგი, პოლიტიკოსი.

1983 წელს დაამთავრა საქართველოს პოლიტექნიკური ინსტიტუტის გეოლოგიის ფაკულტეტი, ხოლო 1996 წელს თბილისის სახელმწიფო უნივერსიტეტის იურიდიული ფაკულტეტი. 1983-1989 წლებში იყო გეოლოგიური ექსპედიციის ინჟინერ-გეოლოგი. 80-იანი წლების დასაწყისიდან საქართველოს ეროვნულ-განმათავისუფლებელი მოძრაობის მონაწილე; 1990-1991 წლებში საქართველოს რესპუბლიკის უზენაესი საბჭოს წევრი საარჩევნო ბლოკ „მრგვალი მაგიდა - თავისუფალი საქართველოდან“, კულტურის, განათლებისა და მეცნიერების კომისიის წევრი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1996-1997 წლებში იყო თბილისის საერთაშორისო ურთიერთობების ინსტიტუტის პედაგოგი. 1997 წლიდან არის ადვოკატი. 2002-2007 წლებში არასამთავრობო ორგანიზაცია „წამების მსხვერპლთა რეაბილიტაციის ცენტრის“ იურისტი. საქართველოს საკონსტიტუციო სასამართლოს მიწვეული სპეციალისტი (2006). 2010 წლიდან იურიდიული კომპანია „პროცესის“ პარტნიორი, დირექტორი; 2012-2014 წლებში სისხლის სამართლის რეფორმების განმახორციელებელი უწყებათაშორისი საკოორდინაციო საბჭოს სისხლის სამართლის კანონმდებლობის სამუშაო ჯგუფის თანამომხსენებელი. 2005 წელს დასახელებული იყო წლის საუკეთესო ადვოკატად.

რესურსები ინტერნეტში[რედაქტირება | წყაროს რედაქტირება]