ავთანდილ მარგიანი

ავთანდილ მარგიანი
ავთანდილ მარგიანი
დაბადების თარიღი	24 დეკემბერი, 1945 (78 წლის); მესტია, საქართველოს სსრ, სსრკ
ეროვნება	ქართველი
მოქალაქეობა	სსრკ 1945-1991; საქართველო 1991-დღემდე
განათლება	უმაღლესი
ალმა-მატერი	საქართველოს ტექნიკური უნივერსიტეტი
პროფესია	პოლიტიკოსი
საქმიანობა	სპორტსმენი
პარტია	ერთიანი საქართველო
რელიგია	მართლმადიდებელი ქრისტიანი
მეუღლე(ები)	მარინა დათუკიშვილი
შვილ(ებ)ი	2

ავთანდილ მარგიანი (დ. 24 დეკემბერი, 1945, მესტია, საქართველოს სსრ, სსრკ) — ქართველი და საბჭოთა პოლიტიკოსი, სპორტსმენი, დამოუკიდებელი საქართველოს კომპარტიის პირველი მდივანი 1990-1991 წლებში. 1992-1995 წლებში საქართველოს ვიცე-პრემიერი და პარლამენტის დეპუტატი. ამჟამად არის „ერთიანი საქართველოს“ ლიდერი. დამთავრებული აქვს საქართველოს ტექნიკური უნივერსიტეტი.^[1]^[2]

ბიოგრაფია

1968-1971 წლებში — ლუდის ქარხნის ბრიგადირი. 1971-1977 წლებში — კომბინატ „ელბრუსის“ ინჟინერი, შემდეგ მთავარი ინჟინერი. 1978-1980 წლებში ტრანსნავთობის ბაზის უფროსი. 1980-1989 წლებში კომპარტიის გარდაბნის რაიონის განყოფილების გამგე, რაიკომის მდივანი. 1989-1990 წლებში კომუნისტური პარტიის რაიონული ორგანიზაციის ხელმძღვანელი.^[3]

1990-1991 წლებში იყო საქართველოს რესპუბლიკის უზენაესი საბჭოს წევრი კომუნისტური პარტიიდან. ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1991-1992 წლებში იყო „საქართველოს დემოკრატიული კავშირის“ თანათავმჯდომარე, 1992 წლიდან — თავმჯდომარე. 1992 წელს იყო საქართველოს რესპუბლიკის სახელმწიფო საბჭოს წევრი.^[4] 1992 წელს არჩევნებში კენჭს იყრიდა პარტიული სიით, გახდა პარლამენტის წევრი, იყო ფრაქცია „დემოკრატიული კავშირის“ წევრი, 1992-1995 წლებში — საქართველოს მთავრობის ვიცე-პრემიერი. იყო 1993 წელს შექმნილი თურქეთ-საქართველოს მეგობრობის საზოგადოება „კარადენის“ დამფუძნებელი. 1995 წელს არჩევნებში კენჭს იყრიდა პარტიული სიით, ვერ გახდა პარლამენტის წევრი.^[3] იყო 2013 წლის საპრეზიდენტო არჩევნების მონაწილე.

ჰყავს მეუღლე, მარინა დათუკიშვილი და 2 შვილი.^[3]

რესურსები ინტერნეტში

სქოლიო

↑ საქართველოს პარლამენტის ეროვნული ბიბლიოთეკა — ავთანდილ მარგიანი
↑ presidenti.ge - ავთანდილ მარგიანი^{[მკვდარი ბმული]}
↑ ^3.0 ^3.1 ^3.2 ავთანდილ მარგიანი — საქართველოს პოლიტიკური პარტიები
↑ ჯონსი ს., „საქართველო: პოლიტიკური ისტორია დამოუკიდებლობის გამოცხადების შემდეგ“ = Georgia: A Political History of Independence, თბილისი: სოციალური მეცნიერებების ცენტრი, 2013 [2012]. — გვ. 117, ISBN 978-9941-0-5972-8.

[1] საქართველოს პარლამენტის ეროვნული ბიბლიოთეკა — ავთანდილ მარგიანი

[:0-2] residenti.ge - ავთანდილ მარგიანი^{[მკვდარი ბმული]}

[nplg-3] 3.0 ^3.1 ^3.2 ავთანდილ მარგიანი — საქართველოს პოლიტიკური პარტიები

[4] ჯონსი ს., „საქართველო: პოლიტიკური ისტორია დამოუკიდებლობის გამოცხადების შემდეგ“ = Georgia: A Political History of Independence, თბილისი: სოციალური მეცნიერებების ცენტრი, 2013 [2012]. — გვ. 117, ISBN 978-9941-0-5972-8.

[1]

[2]

[3]

[4]