ვაჟა ადამია

ვაჟა ადამია
დაბადების თარიღი	26 მაისი, 1950 (1950-05-26)
დაბადების ადგილი	თბილისი, საქართველოს სსრ, სსრკ
მოქალაქეობა	სსრკ →  საქართველო
ეროვნება	ქართველი

ვაჟა ადამია (დ. 26 მაისი, 1950, თბილისი) — ქართველი ექიმი, პოლიტიკოსი

1968 წელს დაამთავრა თბილისის კბილის სატექნიკო სასწავლებელი და შემდეგ ქ. ჩიტას სამედიცინო ინსტიტუტი (რუსეთი).

1968-1988 წლებში მუშაობდა სპეციალობით სხვადასხვა სამედიცინო დაწესებულებებში: დუშეთის რაიონული საავადმყოფოს ექიმი, თბილისის №3 საბაზო სამედიცინო სასწავლებლის პედაგოგი, №10 სტომატოლოგიური პოლიკლინიკის ორთოპედიული განყოფილების გამგე, №2 სტომატოლოგიური პოლიკლინიკის ექიმი, ორთოპედი, ამიერკავკასიის რკინიგზის საავადმყოფოს ინპლანტაციისა და პროთეზირების განყოფილების სტომატოლოგი ქირურგი; 1990-1991 წლებში საქართველოს რესპუბლიკის უზენაესი საბჭოს წევრი მაჟორიტარი დეპუტატი ცხინვალის საარჩევნო ოლქიდან, თავდაცვის, ეროვნული უშიშროებისა და მართლწესრიგის კომისიის თავმჯდომარე; 1992-1995 წლებში საქართველოს მე-3 მოწვევის პარლამენტის წევრი საკომპესანციო სიით, მართლწესრიგისა და კანონიერების დაცვის კომისიის თავმჯდომარე. ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

რესურსები ინტერნეტში

• ვაჟა ადამია — საქართველოს ბიოგრაფიული ლექსიკონი
• ვაჟა ადამია — საქართველოს პარლამენტის ოფიციალური საიტი (საქართველოს რესპუბლიკის პირველი მოწვევა)
• ვაჟა ადამია — საქართველოს პარლამენტის ოფიციალური საიტი (საქართველოს პარლამენტის მესამე მოწვევა)