თემურ ქორიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
თემურ ქორიძე
თემურ-ქორიძე.jpg
დაბ. თარიღი 1 თებერვალი 1954(1954-02-01)
დაბ. ადგილი სამტრედია, საქართველოს სსრ, სსრკ
გარდ. თარიღი 27 ოქტომბერი 2017(2017-10-27) (63 წლის)
გარდ. ადგილი თბილისი, საქართველო
საქმიანობა მწერალი
ენა ქართული ენა
ეროვნება ქართველები
მოქალაქეობა Flag of the Soviet Union.svg სსრკ
Flag of Georgia.svg საქართველო
ალმა-მატერი თბილისის სახელმწიფო უნივერსიტეტი
ხელმოწერა თემურ-ქორიძე-ხელმოწერა.png

თეიმურაზ (თემურ) ქორიძე (დ. 1 აპრილი, 1954, სამტრედია, საქართველოს სსრ, სსრკ ― გ. 27 ოქტომბერი, 2017, თბილისი, საქართველო) — ქართველი მწერალი, კრიტიკოსი, ეროვნულ-განმანთავისუფლებელი მოძრაობის მეინსტრიმული ფრთის ერთ-ერთი ლიდერი, მეცნიერებისა და განათლების საპარლამენტო კომიტეტის თავმჯდომარე უზენაეს საბჭოში, ხელმომწერი საქართველოს დამოუკიდებლობის აქტზე.

ბიოგრაფია[რედაქტირება | წყაროს რედაქტირება]

თემურ ქორიძე დაიბადა 1954 წლის 1 აპრილს სამტრედიაში. სკოლის დამთავრებისთანავე, 1974 წელს ჩაირიცხა თბილისის სახელმწიფო უნივერსიტეტის ფილოლოგიის ფაკულტეტზე. შემდგომ წლებში იყო მეცნიერებათა აკადემიის შოთა რუსთაველის სახელობის ლიტერატურის ისტორიის ინსტიტუტის ასპირანტი, ლიტერატურის თეორიის განყოფლების მეცნიერ-თანამშრომელი, სხვადასხვა დროს სწავლული მდივანი; პარალელურად ეწეოდა სამეცნიერო-პედაგოგიურ მოღვაწეობას თბილისის სახელმწიფო თეატრალურ ინსტიტუტში, პუშკინის სახელობის თბილისის სახელმწიფო პედაგოგიურ ინსტიტუტში და სპი-ის არქიტექტურის კათედრაზე (1981–1991). საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი — „მრგვალი მაგიდა - თავისუფალი საქართველო“, კულტურის, განათლებისა და მეცნიერების კომისიის თავმჯდომარე; ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი); სახელმწიფო გადატრიალების შემდეგ განიცდიდა პოლიტიკურ დევნას. თბილისის საქალაქო სასამართლოს ადმინისტრაციულ საქმეთა კოლეგიამ აღიარა პოლიტიკური რეპრესიის მსხვერპლად. არის ასამდე სამეცნიერო და კრიტიკული ნაშრომის ავტორი.

თემურ ქორიძე 2017 წლის 27 ოქტომბერს 63 წლის ასაკში გარდაიცვალა.[1] დაკრძალეს 31 ოქტომბერს მცხეთაში, სამთავროს მონასტრის ეზოში.

ნაწარმოებები[რედაქტირება | წყაროს რედაქტირება]

  • 1999 — „დანგრეული ტაძარი“
  • 2016 — „კაცი არ ყველა სწორია“

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. თემურ ქორიძე 63 წლის ასაკში გარდაიცვალა. Primetime.ge (27 ოქტომბერი, 2017). წაკითხვის თარიღი: 7 მარტი, 2019.