გურამ ხარატიშვილი

გურამ ხარატიშვილი
დაბადების თარიღი	14 იანვარი, 1934
დაბადების ადგილი	გორი, საქართველოს სსრ, სსრკ
გარდაცვალების თარიღი	8 სექტემბერი, 2009 (75 წლის)
მოქალაქეობა	სსრკ →  საქართველო
განათლება	მოსკოვის უნივერსიტეტი
ეროვნება	ქართველი

გურამ ხარატიშვილი (დ. 14 იანვარი, 1934, გორი — გ. 8 სექტემბერი, 2009) — ქართველი მათემატიკოსი. ფიზიკა-მათემატიკის მეცნიერებათა დოქტორი, საქართველოს რესპუბლიკის მეცნიერებათა აკადემიის აკადემიკოსი.

1956 წელს დაამთავრა მოსკოვის უნივერსიტეტის მექანიკა-მათემატიკის ფაკულტეტი. 1951-1980 წლებში იყო საქართველოს რესპუბლიკის მეცნიერებათა აკადემიის გამოთვლითი ცენტრის უმცროსი მეცნიერ-თანამშრომელი, სსრ კავშირის მეცნიერებათა აკადემიის მათემატიკის ინსტიტუტის ასპირანტი, თბილისის ივანე ჯავახიშვილის სახელობის სახელმწიფო უნივერსიტეტის მექანიკა-მათემატიკის ფაკულტეტის დეკანი, საქართველოს რესპუბლიკის მეცნიერებათა აკადემიის მართვის სისტემების ინსტიტუტის დირექტორი, 1981 წლიდან კიბერნეტიკის ინსტიტუტის დირექტორი. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი საარჩევნო ბლოკი „ საქართველოს ერთიანი კომუნისტური პარტიიდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

ჯილდოები და აღიარება

• 2001 — ანდრია რაზმაძის სახელობის პრემია

რესურსები ინტერნეტში

• გურამ ხარატიშვილი — საქართველოს ბიოგრაფიული ლექსიკონი
• გურამ ხარატიშვილი — საქართველოს პარლამენტის ოფიციალური საიტი