რევაზ სალუქვაძე

რევაზ სალუქვაძე
დაბადების თარიღი	15 სექტემბერი, 1929
დაბადების ადგილი	თბილისი, საქართველოს სსრ, სსრკ
გარდაცვალების თარიღი	2000
მოქალაქეობა	სსრკ →  საქართველო
განათლება	თბილისის სახელმწიფო უნივერსიტეტი
სამეცნიერო ხარისხი	ტექნიკის მეცნიერებათა დოქტორი
ეროვნება	ქართველი
საქმიანობა	ფიზიკოსი
ჯილდოები

რევაზ სალუქვაძე (დ. 15 სექტემბერი, 1929, თბილისი — გ. 2000) — ქართველი ფიზიკოსი. ტექნიკის მეცნიერებათა დოქტორი, პროფესორი, საქართველოს რესპუბლიკის მეცნიერებათა აკადემიის წევრ-კორესპონდენტი.

1953 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი. 1952-1954 წლებში იყო თბილისის ივანე ჯავახიშვილის სახელობის სახელმწიფო უნივერსიტეტის ლაბორანტი, 1954-1957 წლებში საქართველოს მეცნიერებათა აკადემიის ფიზიკის ინსტიტუტის ასპირანტი, ქ. დუბნის ბირთვულ გამოკვლევათა გაერთიანებული ინსტიტუტის უფროსი ლაბორანტი. 1957-1962 წლებში იყო საქართველოს მეცნიერებათა აკადემიის ფიზიკის ინსტიტუტის უფროსი მეცნიერ-მუშაკი, უფროსი ინჟინერი. 1962-1974 წლებში იყო თბილისის ივანე ჯავახიშვილის სახელობის სახელმწიფო უნივერსიტეტის უფროსი მეცნიერ-თანამშრომელი, ლაბორატორიის გამგე, კათედრის გამგე, ხოლო 1970-1971 წლებში იყო დეკანის მოვალეობის შემსრულებელი, 1979-1985 წლებში იყო აფხაზეთის სახელმწიფო უნივერსიტეტის კათედრის გამგე, 1985 წლიდან 2000 წლამდე იყო სოხუმის ილია ვეკუას სახელობის ფიზიკა-ტექნოლოგიის ინსტიტუტის დირექტორი. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი საარჩევნო ბლოკი „საქართველოს ერთიანი კომუნისტური პარტიიდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

ჯილდოები

• 1995 — ღირსების ორდენი
• 1985 — საქართველოს სახელმწიფო პრემია
• 1981 — საქართველოს მეცნიერებათა დამსახურებული მოღვაწე
• 1979 — პეტრე მელიქიშვილის სახელობის პრემია

რესურსები ინტერნეტში

• რევაზ სალუქვაძე — საქართველოს ბიოგრაფიული ლექსიკონი
• რევაზ სალუქვაძე — საქართველოს პარლამენტის ოფიციალური საიტი