გიორგი ამილახვარი

	გიორგი ამილახვარი
	;
საქართველოს განათლების, მეცნიერებისა და ახალგაზრდობის მინისტრი
ამჟამინდელი თანამდებობა
დაიკავა	1 იანვარი, 2024
პრეზიდენტი	სალომე ზურაბიშვილი
პრემიერ-მინისტრი	ირაკლი ღარიბაშვილი; ირაკლი კობახიძე
წინამორბედი	თანამდებობა შეიქმნა
საქართველოს განათლებისა და მეცნიერების მინისტრი
თანამდებობაზე ყოფნის დრო
	20 მარტი, 2023 – 1 იანვარი, 2024
პრეზიდენტი	სალომე ზურაბიშვილი
პრემიერ-მინისტრი	ირაკლი ღარიბაშვილი
წინამორბედი	მიხეილ ჩხენკელი
მემკვიდრე	თანამდებობა გაუქმდა
დაბადებული	1 იანვარი, 1984 (40 წლის); თბილისი, საქართველოს სსრ, სსრკ
მოქალაქეობა	სსრკ →; საქართველო
ეროვნება	ქართველი
პოლიტიკური პარტია	ქართული ოცნება — დემოკრატიული საქართველო
განათლება	თსუ
პროფესია	იურისტი

გიორგი ამილახვარი (დ. 1 იანვარი, 1984, თბილისი^[1]) — ქართველი იურისტი და პოლიტიკოსი. სამართლის დოქტორი. საქართველოს X მოწვევის პარლამენტის წევრი. საქართველოს განათლებისა და მეცნიერების მინისტრი 2023 წლის 20 მარტიდან 2024 წლის 1 იანვრამდე. 2024 წლის 1 იანვარს დაინიშნა საქართველოს განათლების, მეცნიერებისა და ახალგაზრდობის მინისტრად.

განათლება

1999-2000 წლებში სწავლობდა ალამოს უმაღლესი სკოლაში (ტეხასი, აშშ); 2006 წელს დაამთავრა თბილისის ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტი (სამართალმცოდნეობა). 2016 წელს მაქს-პლანკის საერთაშორისო კერძო და შედარებითი სამართლის კვლევით ინსტიტუტში გადიოდა კვლევითი სტაჟირებას (ჰამბურგი, გერმანია).

სამუშაო გამოცდილება

2015-2017 წლებში იყო „დეგუსტოს“ მმართველი პარტნიორი. 2017 წელს მიიღო სამართლის დოქტორის სტატუსი. 2007-2008 წლებში იყო სახელმწიფო მინისტრის აპარატში ევროპული და ევროატლანტიკური ინტეგრაციის საკითხებში მთავარი სპეციალისტი. 2008-2010 წლებში იყო ლიეტუვური საინვესტიციო კომანია შპს „სავერუსის“ ფილიალი საქართველოში „სავერუს ჯორჯია“ მთავარი იურისტი. 2010-2020 წლებში – თბილისის ღია სასწავლო უნივერსიტეტის ვიცე-რექტორი, რექტორი და ასოცირებული პროფესორი სამართალში. 2018-2019 წლებში იყო საგანმანათლებლო პროგრამების აკრედიტაციის საბჭოს თავმჯდომარის მოადგილე.

საპარლამენტო საქმიანობა

2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.^[2]

გიორგი ამლახვარი იყო კახა კალაძის საარჩევნო შტაბი ხელმძღვანელი, როცა კალაძე თბილისის მერობისთვის იბრძოდა.^[3]

გიორგი ამილახვარი ერთ-ერთი ავტორია „სახელმწიფო ინსპექტორის სამსახურის შესახებ კანონში ცვლილებების“ კანონპროექტისა (რატი იონათამიშვილთან, გივი მიქანაძესთან, ანრი ოხანაშვილთან, დავით მათიკაშვილთან, ალუდა ღუდუშაურთან და გურამ მაჭარაშვილთან ერთად), რასაც ინსპექტორის სამსახურის გაუქმება და დიდი წინააღმდეგობა და კრიტიკა მოჰყვა ოპოზიციის, არასამთავრობო სექტორის და თავად სახელმწიფო ინსპექტორის, ლონდა თოლორაიას მხრიდან.^[3]

2022 წლის 13 ოქტომბერს, ვაკის პარკის შადრევნის ტრაგედიიისას, ამილახვარმა ერთ-ერთმა პირველმა განცხადება გააკეთა. მისი განცხადებით, „ბავშვს უნდა ჰყავდეს მეთვალყურე“. მისივე განცხადებით, რეკონსტრუქციის მიმდინარეობისას, ბუნებრივია, შეიძლება იყოს „ტექნიკური შეფერხება“, რამაც ადამიანის ჯანმრთელობის დაზიანება შეიძლება გამოიწვიოს; რეაბილიტირებული შადრევანი, სადაც ბავშვებს დენმა დაარტყა, იქვე მდებარე მცირე კასკადთან ერთად, წინა დღეს, 12 ოქტომბერს საზეიმოდ გაიხსნა.^[4] მოგვიანებით დეპუტატმა განცხადებისთვის ბოდიში მოიხადა.^[5]

ამილახვარი ერთ-ერთია „ქართული ოცნების“ იმ 78 დეპუტატს შორის, ვინც მხარი დაუჭირა „უცხოეთის აგენტების კანონს“ („უცხოური გავლენის გამჭვირვალობის შესახებ“ კანონპროექტი), რომლის გასაპროტესტებლად მარტის დასაწყისში ათასობით დემონსტრანტი გამოვიდა, მათ შორის, სტუდენტები.^[3]

განათლებისა და მეცნიერების მინისტრი

2023 წლის 20 მარტს საქართველოს პრემიერ-მინისტრმა ირაკლი ღარიბაშვილმა ღარიბაშვილმა განაცხადა, რომ განათლებისა და მეცნიერების მინისტრმა მიხეილ ჩხენკელმა თანამდებობის დატოვების სურვილი თავად გამოთქვა, რადგან აკადემიურ საქმიანობაში უნდა დაბრუნება. მის თანამდებობაზე კი გიორგი ამილახვარი წარადგინა.^[6]

2023 წლის 30 აგვისტოს გიორგი ამილახვარმა 27 ოქტომბერი საქართველოში მასწავლებლის ეროვნულ დღედ გამოაცხადა. ^[7]

„ჩვენი ღვაწლმოსილი, დამსახურებული, გმირი მასწავლებლებისთვის ვიწყებთ სხვადასხვა მხარდამჭერი და დამხმარე, სოციალური, ფინანსური და პრესტიჟის ასამაღლებელი ღონისძიებების მხარდამჭერ მექანიზმებს. პირველი გახლავთ ეს. სიმბოლურად 27 ოქტომბერი შეირჩა, ეს არის იაკობ გოგებაშვილის დაბადების დღე, მასწავლებლის და პედაგოგიკის ფუძემდებლის. სიმბოლურია, რომ ამ დღეს განათლების სისტემაში შეტანილი განსაკუთრებული წვლილისთვის სხვადასხვა ნომინაციაში ღირსეული და დამსახურებული მასწავლებლები გამოვლინდებიან, რომელთაც გადაეცემათ სპეციალური ფულადი ჯილდო 10 ათასი ლარის ოდენობით. ამ ეროვნული დღისთვის, სპეციალურად შექმნილია სამკერდე ნიშანი“

რესურსები ინტერნეტში

გიორგი ამილახვარი — საქართველოს ბიოგრაფიული ლექსიკონი
გიორგი ამილახვარი — საქართველოს პარლამენტის ოფიციალური საიტი (მოძველებული / არქივი / ახალი არქივი)

სქოლიო

↑ ბიოგრაფია. დაარქივებულია ორიგინალიდან — 2024-06-26. ციტირების თარიღი: 2020-12-08.
↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 6 დეკემბერი, 2020.
↑ ^3.0 ^3.1 ^3.2 „რა ვიცით განათლების ახალ მინისტრ გიორგი ამილახვარზე“. რადიო თავისუფლება. 20 მარტი, 2023. ციტირების თარიღი: 20 მარტი, 2023. შეამოწმეთ თარიღის პარამეტრი |access-date= და |date=-ში (დახმარება)
↑ ჩიჩუა, ნინო (13 ოქტომბერი, 2022). „„ბავშვს უნდა ჰყავდეს მეთვალყურე“ — დეპუტატი ამილახვარი ბავშვებისთვის დენის დარტყმაზე“. ციტირების თარიღი: 2023-03-20. შეამოწმეთ თარიღის პარამეტრი |date=-ში (დახმარება)
↑ „გიორგი ამილახვარი ვაკის პარკში მომხდარი ტრაგედიის შესახებ გაკეთებული განცხადების გამო ბოდიშს იხდის“. 13 ოქტომბერი, 2022. ციტირების თარიღი: 2023-03-20. შეამოწმეთ თარიღის პარამეტრი |date=-ში (დახმარება)
↑ „რას გვპირდება ამილახვარი“. On.ge. 20 მარტი, 2023. ციტირების თარიღი: 20 მარტი, 2023. შეამოწმეთ თარიღის პარამეტრი |access-date= და |date=-ში (დახმარება)
↑ 27 ოქტომბერი მასწავლებლის ეროვნული დღედ გამოცხადდება

პოლიტიკური თანამდებობები
წინამორბედი: თანამდებობა შეიქმნა	საქართველოს განათლებისა და მეცნიერების მინისტრი 2023 – 2024	შემდეგი: თანამდებობა გაუქმდა
წინამორბედი: თანამდებობა შეიქმნა	საქართველოს განათლების, მეცნიერებისა და ახალგაზრდობის მინისტრი 1 იანვარი, 2024 – დღემდე	შემდეგი:

[1] ბიოგრაფია. დაარქივებულია ორიგინალიდან — 2024-06-26. ციტირების თარიღი: 2020-12-08.

[2] ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 6 დეკემბერი, 2020.

[თავისუფლება-3] 3.0 ^3.1 ^3.2 „რა ვიცით განათლების ახალ მინისტრ გიორგი ამილახვარზე“. რადიო თავისუფლება. 20 მარტი, 2023. ციტირების თარიღი: 20 მარტი, 2023. შეამოწმეთ თარიღის პარამეტრი |access-date= და |date=-ში (დახმარება)

[4] ჩიჩუა, ნინო (13 ოქტომბერი, 2022). „„ბავშვს უნდა ჰყავდეს მეთვალყურე“ — დეპუტატი ამილახვარი ბავშვებისთვის დენის დარტყმაზე“. ციტირების თარიღი: 2023-03-20. შეამოწმეთ თარიღის პარამეტრი |date=-ში (დახმარება)

[5] „გიორგი ამილახვარი ვაკის პარკში მომხდარი ტრაგედიის შესახებ გაკეთებული განცხადების გამო ბოდიშს იხდის“. 13 ოქტომბერი, 2022. ციტირების თარიღი: 2023-03-20. შეამოწმეთ თარიღის პარამეტრი |date=-ში (დახმარება)

[6] „რას გვპირდება ამილახვარი“. On.ge. 20 მარტი, 2023. ციტირების თარიღი: 20 მარტი, 2023. შეამოწმეთ თარიღის პარამეტრი |access-date= და |date=-ში (დახმარება)

[7] 27 ოქტომბერი მასწავლებლის ეროვნული დღედ გამოცხადდება

[1]

[2]

[3]

[4]

[5]

[6]

[7]