სტრატეგია აღმაშენებელი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
სტრატეგია აღმაშენებელი
სტრატეგია აღმაშენებელი
პარტიის სტატუსი მოქმედი
ქვეყანა საქართველოს დროშა საქართველო
თავმჯდომარე გიორგი ვაშაძე
დაფუძნდა 5 ივნისი, 2016
იდეოლოგია მემარჯვენე ცენტრისტული
შტაბ-ბინა თბილისი, საქართველო
პარლამენტი
4 / 150
ფერები     
aghmashenebeli.win

„სტრატეგია აღმაშენებელი“ (ოფიც. მოქალაქეთა პოლიტიკური გაერთიანება „გიორგი ვაშაძე-სტრატეგია აღმაშენებელი“) — პოლიტიკური პარტია საქართველოში. დაფუძნდა 2016 წლის 5 ივნისს როგორც მოქალაქეთა პოლიტიკური გაერთიანება სამოქალაქო პლატფორმა „ახალი საქართველო“. პარტიის თავჯდომარედ ყრილობის დელეგატებმა აირჩიეს გიორგი ვაშაძე. პარტიის მმართველობითი ორგანოა 12 წევრისაგან შემდგარი პოლიტსაბჭო. პარტიას ჰყავს არჩეული გენერალური მდივანი, რომელსაც გააჩნია აღმასრულებელი და საორგანიზაციო ფუნქციები. არის მემარჯვენე ცენტრისტული მიმართულების და მხარს უჭერს ქვეყნის ნატოსა და ევროკავშირში გაწევრიანებას.[1]

პარტია მონაწილეობდა 2016 წლის საპარლამენტო არჩევნებში „სახელმწიფო ხალხისთვის“ ბლოკში და არჩევნების შედეგების მიხედვით არის კვალიფიციური სუბიექტი და იღებს შესაბამის დაფინანსებას ბიუჯეტიდან და საბიუჯეტო დაფინანსებით ჰყავს წარმომადგენლები ყველა დონის საარჩევნო კომისიებში. პარტია მონაწილეობდა 2017 წლის ადგილობრივი თვითმმართველობის არჩევნებში.[1]

2018 წლის ივლისში საპრეზიდენტო არჩევნებზე ერთად გამოსვლის მიზნით 9 ოპოზიციურ პარტიასთან ერთად დააარსა კოალიცია „ძალა ერთობაშია“,[2] რომელიც 2020 წლის ივლისის ბოლოს „კანონი და სამართალთან“ ერთად დატოვა.[3]

2020 წლის 30 ივლისს პარტიის მესამე ყრილობის გადაწყვეტილებით პარტიამ შეიცვალა სახელი და „ახალი საქართველო“-ს ნაცვლად ეწოდა „სტრატეგია აღმაშენებელი“.[1] მონაწილეობს 2020 წლის საპარლამენტო არჩევნებში „კანონი და სამართალთან“ ერთად საერთო ბლოკში.[4]

შედეგები არჩევნებში[რედაქტირება | წყაროს რედაქტირება]

წელი არჩევნები მიღებული პროცენტი შენიშვნა
2020 საპარლამენტო 3,15% მეხუთე ადგილი

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 1.2 ჩვენს შესახებ. სტრატეგია აღმაშენებელი. aghmashenebeli.win. ციტირების თარიღი: 25 სექტემბერი, 2020.
  2. „ძალა ერთობაშია“ — 10 ოპოზიციური პარტია საპრეზიდენტო კანდიდატს ხვალ წარადგენს. netgazeti.ge (2018-07-16). ციტირების თარიღი: 25 სექტემბერი, 2020.
  3. ვაშაძემ და ჩარკვიანმა „ძალა ერთობაშია“ დატოვეს და პოლიტიკური პლატფორმა, სტრატეგია აღმაშენებელი წარადგინეს. on.ge (2020-07-27). ციტირების თარიღი: 25 სექტემბერი, 2020.
  4. საქართველოს პარლამენტის 2020 წლის არჩევნებისთვის რეგისტრირებული პარტიები/ბლოკები. ცესკო. cesko.ge (21 სექტემბერი, 2020). ციტირების თარიღი: 25 სექტემბერი, 2020.